PARISIEN. 87

Colliges

1. Libertas essentialiter requiritur in omni contractu, prae- sertim vero in matrimoniali, quum agatur de contractu indissolubili.

2. Libertati opponitur metus gravis, iniustus, a causa li- bera et extrinseca illatus, et directus ad extorquendum assensum.

3. Metus dicitur ordinarius, si ab extraneis personis ; re- verentialis, si a parentibus vel ab aliis superioribus in- cutatur.

4. Metus reverentialis appellari potest purus, si ex sola reverentia erga parentes vel alios maiores concipiatur ; vestitus, si aliis circumstantiis sit coniunctus , nempe iurgiis, minis, verberibus, verbis contumeliosis etc., vel saltem precibus instantibus, diuturnis et importunis sua- sionibus, verbis imperiosis etc.

5. In foro externo metus reverentialis purus regulariter non praesumitur esse gravis et sufficiens ad irritandum matrimonium ; vestitus autem censetur gravis ac proinde efficax ad coniugium infirmandum, quia in animo pa- tientis recte supponitur exurgere suasio gravis indigna- tionis et offensionis ex parte superioris.

6. In casu satis constare videtur Marchionissam de M in neptem intulisse metum reverentialem gravem et qui- dem aliis gravibus circumstantiis vestitimi, quae nuptias irritare praesumuntur.

7. Demum ratificato matrimonii ex parte Margaritae ad- mitti posse non videtur, sive quia minime constat ipsam defectum consensus postea purgasse, sive quia, etiam admissa eius occulta acquiescentia, semper tamen re- quirebatur renovatio formae Conc. Tridentini, quum im- pedimentum metus in casu publicum fuerit.