8 8 Concursus ad praebendam theologalem

mittendum unum super coarctato articulo disputare, alterum vero variare posse ac ad novas extractiones pergere.

In quo frustra opponi advertebat ante extractionem partes invicem convenisse de acu bis iterumque figendo, iuxta con- suetudinem ; constat enim Michaelem super hoc mordicus contradixisse. Nempe cum nihil antea dictum esset et Ioan- nes, in actu extractionis, visa difficili thesi aliam sortiri prae- tenderet, Michael sese opposuit contendens ex verbis edicti fieri debere concursum ad tramites constitutionum Sum. Pon- tificum Sixti IV, Leonis X, et Clementis XIV, quae de unica extractione loquuntur, quas everti non poterant a consuetu- dine, quae ceterum unico exemplo anni 1850 efformabatur.

Demum Orator nullitatem repetebat ex modo, quo electio perfecta fuit, nam Capituli votum est mere consultivum, et Episcopus inter approbatos digniorem eligit ; quod Episcopus praestiturum quoque promiserat in edicto concursus. Contra ex declaratione cuiusdam canonici patet, Capitulum neminem distincta votatione approbasse, ut approbatum exhiberet Anti- stiti; sed datis, unica vice, suffragiis, duo habuit Michael, octo Ioannes, quem propterea canonicum theologalem nomi- navit et elegit ac Episcopus hanc electionem probavit. Et adeo Episcopus ratus est electionem non peregisse, ut clamores populi audiens minime dubitaverit palam asserere hoc factum imputari debere solummodo canonicis, cui obsistere non po- terat.

Post haec Orator ad secundam suae orationis partem transvolans contendebat huiusmodi electionem maximam redo- lere iniustitiam. Nam a Canonicis, ceteris petitoribus remotis, fere adactus est Ioannes ut Michaeli oppositorem se faceret; Vicarius Generalis pariter Canonicus, docuit Ioannem quid ageret, quid responderet in actu concursus; iactitata fuit ante specimen sua electio, dilatus terminus in sui favorem ; duplex concessa fuit sortitio ; plures coetus canonicorum, convenien- tibus Vicario Generali et Cancellario, in domo Ioannis habiti sunt ; et in aula vix ipse dissertationem incepit Capitulum suum