88 TRANEN.

stante pede, et iudice adhuc pro tribunali sedente, et tunc ea fit viva voce, quamvis hoc ipsum mox inserendum sit actis publicis : deinde appellatio a definitiva potest interponi ex intervallo, tamen intra decem dies : et tunc ea est fa- cienda in scriptis, sive per libellum quem vocant appella- torium : quique debet continere personam appellantis, per- sonam iudicis a quo appellatur, et sententiam a qua fit ap- pellatio » lib. 1, § fin. d. de app. et rei. 79. (Reiffenstuelius ad tit. de appell, lib. II, 27, § 4, n. 119, 120).

Quod si valide appellatum fuisse detur, instat orator, at constat huiusmodi appellationem, desertam ab appellatori bus fuisse. Nam si facta ad Pontificem appellatio nolebat deseri, oportebat, ut apostolos appellans peteret et causam Romae intra sex menses instituendam curaret. Etenim appellatio pro nihilo putatur, nisi apostoli repetantur, « praesumitur appellationi suae renunciare appellans, si apostolos infra t r i - ginta dies petere praetermittat » (Bonifacius VIII in cap. 6, de app. in 6). Et Reiifenstuel I. c. n. 167 seq. docet: « Fa- talia legis praesentandi apostolos atque introducendae coram iudice ad quem appellationis , est tempus sex mensium a die interpositae appellationis computandum. Fatendum ta- men quod Lud. Engel asserat quod fatale istud sive tempus praesentandae seu introducendae appellationis coram iudice ad quem de iure canonico non sit determinatum : sed iudex a quo terminum praefigere debeat : concordat Scaccia dicens quod tempus praesentandi apostolos iudici ad quem sit ad arbitrium, sicut et tempus prosequendae appellationis, dum- modo fiat intra annum.

At si non patet adversariis appellationis refugium, ne- que in integrum restitutionem succurrere vult advocatus. Nam restitutio in integrum est remedium extraordinarium quo ministerio iudicis ob laesionem res in pristinam redu- cuntur conditionem, in qua ante laesionem fuerant. Quum enim in integrum restitutio remediis extraordinariis annu- m e r a t a : sequitur absque gravi causa eam concedi non posse.