85. De Beata Maria V.

1. Mater Dei singularis meriti,
Tuae sumus ditioni dediti,
Obligatos ratione debiti
Per te solvat, a quo sumus omditi.

2 a. Ex te Deus

sumens materiam,
Qua resolvit

nostram miseriam,
Per te cellam

donat vinariam.
Dum post fulgur

emittit pluviam.

2 a. Salomonis

thronus eburneus,
Intus candens

et foris aureus,
Sex a terra

levatus gradibus
Tuis, virgo,

micat virtutibus.

3 a. Duae manus,

bis seni lennculi
Miram reddunt

faciem spectaculi,
Regna stupent

ad genus miraculi,
Quod sub testa

tegitur involueri.

3 b. Quem non capit

latitudo saeculi,
Intra sui

fert claustra corpusculi
Virgo Deum

ad instar homunculi,
Et, quem gignit,

fit in caput anguli.

4 a Thronus iste

thronus magnificus,
Quo resedit

noster pacificus;

4b. Sedis huius

praeclara dignitas,
Quam illustrat
ipsa divinitas.

5 a. O quanta sedis
excellentia
Qua sedet Dei
sapientia !

5 b. De Saba veniens
percurrit omnia.
Sed hoc mirificum
magis quam alia.

6 a. Spirat nardus

ad sponsi thalamum,
Plus redolet

quam tus et balsamum ;

6 b. Ad te regis

inclinat solium,
Accelerat

de summis nuntiam.

7 a. Cervorum humilis

Capreaeque similis

7 b. Venit visibilis

Deus invisibilis.

8 a. Non visus ab homine

Fit nostrae proles dominae ;;

8 b. Moyses non meruit

Videre, quem [haee] genuit.

9 a. O res mira

in conspectu omnium,
Maius domo

prophetatur ostium;

9 b. Unxit Deus

oleo plus filium,
Hic plus matrem,

quam de iustis alium.

10 a. O quam potens,

quam decens castitas,
Qua se nobis
largitur deitas;

10 b. Unicornis

ad tactum virginis
Ad salutem

mansuescit hominis.

11a. Quod virgo fuerit,
flet Iephtae filia,
Flet cum sodalibus
parentis hostia ;

11b. Cnm nostra virgine
gaudet ecclesia,
Quae Deum genuit
cum pudicitia.

12 a. Scriptoris atramentario
Et Mariae privilegio

12 b. Firmatur nostra religio,
Proscribitur superstitio.

13 a. Tua, virgo, magnitudo

nostram levat parvitatem,

13 b. Guttas maris enumerat

in hoc mare mittens ratem.

14 a. Tuae matris,

Deus, in famulos,
Labiorum

reddentes vitulos,

14 b. Pietatis

converte oculos
Et devotos
tuere populos.

15 a. Pro renatis

ora, mater, filium,
Ne tremendum
ruant in iudicium,

15 b. Et devoto

coetui psallentium
Sempiternum

impetrato gaudium.