88. De V Gaudiis BMV.

1. O Maria, mater Christi,
Quae de sancto concepisti

Spiritu mirifice,
Gabrieli credidisti,
Praemunita quo fuisti
Veritatis indice.

2. Verbo sacro mox repleta
Spe conceptus eras laeta;

Propter hanc laetitiam,
Cum qua salus est concreta,
Fac, Maria, mortis meta

Ut salutem sentiam.

3. Naturalem contra morem
Peperisti genitorem,

Virgo, mater, filia;
Tuae laudis ad honorem
Me praesenta debitorem

Patri cum familia.

4. Tu de partu laeta tali
Mihi luce sis finali

Salus et solacium,
Ne sim igne gehennali
Pro reatu criminali

Datus ad supplicium.

5. Mentem tuam conturbavit
Et dolorem provocavit

Sequens nati passio,
Te post mortem confortavit
Et post laetam restauravit

Eius resurrectio.

6. Virgo plena pietate,
Resurgente novitate

Laeta me laetifica,
Me oppressum gravitate
Ne repelli sinas a te,

Sed tu me salvifica.

7. Elevatus ascendebat,
Ascendentem subvehebat

Nubes supra sidera;
Astra tenens eligebat
Sedem dignam, qua sedebat
Patris Dei dextera.

8. Propter eius elevamen
Tibi erat consolamen

Tua post gravamina;
In extremis adiuvamen
Et ruinae relevamen

Esto mihi, domina.

9. Quinta vice laetabaris,
Dum in caelum levabatis,

Spes salutis hominum,
Quorum noxam recordaris,
Sed pro quibus depretias

Incessanter Dominum.

10. O medela noxae dirae,
Mihi velis subvenire

Mortis in itinere,
Et cum dies erit irae,
Quam quis nequit praeteiire,

Noli me relinquere.