PORTUEN. 89

Rem confirmare studet ex facto Emi Di Pietro pro tem- pore Episcopi, qui ut obviam iret necessitatibus, quibus de- tinebantur Religiosi curae animarum praepositi, consolidati partem eis tradere, opportunum censuit ut ex illius vendi- tione sibi necessaria vitae providerent.

QUAE ADVERSANTUR PETITIONI RELIGIOSORUM. E X altera vero parte Emus Episcopus Portuen. pro aris et focis susti- net Religiosorum preces a iudicii limine repellendas esse, ex eo quod praefatum consolidatum ipsis nullo pacto com- petere potest. Animadvertit enim , quod Religiosus profes- sus, post emissa solemnia vota, in vim Cap. Cum ad Mo- nasterium Be statu Monachorum in 6, incapax omnino fit nedum ad acquirenda, sed etiam ad possidenda quaecum- que bona, sive mobilia, sive immobilia eadem sint.

Quin illud repetere queat ipsorum superior Provincialis, innixus vulgato principio : Monachus quidquid acquirit, Monasterio acquirit: observat enim idem Emus quod addu- ctum principium in themate vires suas exerere haud valet, ex eo quod in articulo sexto conventionis ab Emo pro tem- pore Episcopo cum Ordinis superioribus initae, sancitum ex- presse fuerit: ut universi reditus (Religiosis Capellanis) assignati in exclusivam solius Communitatis Hospitii utilitatem erogentur,... et ut ab Ordinis Superioribus in alios usus impendi nequeant.

Verum ob alias rationes, Episcopus subdit, Religiosorum preces repellendas esse: quia scilicet nullas expensas, quas iuxta conventionem repetere potuissent, fecerunt sive pro Eccle- siae, vel Coemeterii , vel habitationis manutentione, sive pro Ecclesiae suppelectilibus vel reparandis vel acquirendis. Quin rem mutare valeant debita, quae contracta fuisse as- serunt, ut sibi alimenta comparaient. Praeter quam quod enim ea procurare sibi potuissent ex pensione a gubernio italico ipsis tradita, observat eadem absque ulla rationabili causa, vel necessitate impellente contracta fuisse ; quando- quidem in facto esse ait, alimenta ab Emo Amat tunc tem- poris Episcopo Portuen. suppeditata iugiter fuisse.