GRATIANOPOLITANA 89

memorat sibi ab hoc quandoque missas. Sed has litteras per- dolens Giroud, instat orator, veniam ab Episcopo humiliter semel et iterum imploravit, nec tantum illae crimen consti- tuunt, ut censura et privatio paroeciae exinde probari possit. Ad rem citat Iurisconsultum supra laudatum, aientem opere cit. pag. 151: « Constans ac perpetua fuit S. Congregationis Concilii Tridentini interpretum praxis, improbandi scilicet ac reiiciendi parochorum privationes, nisi tria haec cumulative concurrant, gravis videlicet causa, concludens eiusdem pro- batio et praemissa forma canonica. Gravis causa duplici de ratione contingere valet, ob crimina scilicet, quibus vel ipso iure beneficium vacat, cum poena legis ministerio infligitur, vel cum per sententiam iudicis ex delictis et excessibus, utut atrocibus, lex comminetur solummodo privationis poenam, nondum autem per se ac vi sua imponat, sed ut primum per sententiam iudicis. Quod etiam retinendum videtur ubi agitur de privatione paroeciae amovibilis. Nam haec amovendi fa- cultas non ideo tradita censetur, ut absque gravi causa per- agi possit, si agatur de paroeciis praesertim quae perpetuum suapte natura officium requirant. Gravitas enim causae ne- cessaria censetur ex aequitate canonica, quae non sinit poenam omnium acerbissimam absque pari culpa inuri. »

Quia Episcopus, inter cetera, parochum Giroud repre- hendit ob denegatam obedientiam decreto translationis ad paroeciam loci - Chañas; - advertit patronus, iuste recusavisse quum probare non posset sui antecessoris administrationem, nec iure merito Episcopum ob eamdem culpam iteratis et diversis poenis eumdem percellisse, praesertim appellatione pendente. Nam « Appellatio legitime interposita, docet Ioan- nes Devoti in Institut. Canonie, tom. III, tit. XV iurisdi- ctionem suspendit iudicis inferioris, causamque defert ad su- periorem, qui appellatus est. Quare interim, dum appellatio pendet, nihil amplius in causa inferior iudex agere potest, et si quid egerit, cuncta a maiore iudice ad pristinum statum rediguntur I. un. Dig. Nihil innov. appellat, interp. cap. 7, De appellat, in 6. »