86. De Beata Mariayu.

la. Gaude, gemma virginalis,
Margarita spiritalis,
Salutis praenuntia;

1b. Tu mederis cunctis malis,
Medicina specialis
Contra carnis vitia.

2 a. Gaude, culmen honestatis,
In quo summae potestatis
Turris supereminet,

2 b. Quae thesaurum puritatis
Et fecundae castitatis
Opes in se continet.

3 a. Gaude, mater expers maris,
Per quam datur pax amaris
Et ingratis gratia ;

3 b. Admiranda stella maris,
Quae tam mire sublimaris
In caelesti gloria.

4 a. Gaude, parens veri solis,
Vultum videns tuae prolis
In decore proprio ;

4 b. Te coronat rex in polis,
Quem Iactasti nostrae molis
Coopertum pallio.

5 a. Gaude, tota delicata,
Iuxta Deum collocata
Supra regni solium ;

5 b. Peccatorum advocata,
Per te tecta sunt peccata
Tuorum fidelium.

6 a. Gaude, vere gloriosa,
Caritate copiosa
Devotos amplectere

6 b. Et pro gente vitiosa
Ora prece pretiosa,
Ut possint resurgere.

7. Gaudens decus assiduum
Supernorum spirituum
Et nunc et in perpetuam.