87. Alphabetum archangelicum
in laudem BMV.

1. Arca deitatis,

Aula summae majestatis,
Fons totius bonitatis.

2. Balsamo suavior,
Angelis laude dignior,
Tu cunctis sanctis sanctior.

3, Convallis lilium,

Nobis post hoc exsilium
Ostende tuum filium.

4. Dulcis mellis unda,

Duc de faecis me profunda,
O fecunda, me fecunda.

5. Evae liberatrix,
Creaturae reparatrix,
Cordium illuminatrix.

6. Fulgens solis cella,

Tu splendida maris stella,
Mater simul et puella.

7. (remma pretiosa,
Gelu non attrita rosa,
Virga Jesse fructuosa.

8. Hamus caritatis,
Plenitudo pietatis,
Tu me munda a peccatis.

9. Inventnx gratiae,
Et genitrix laetitiae,
Tu speculum munditiae.

10. Raritate plena,

Fons signatus, vitae vena,
O quam dulcis et serena.

11. Lumen angelorum,
Expugnatrix vitiorum,
Miseratrix miserorum.

12. Mater Jesu Christi,

Verbum verbo concepisti,
Serva me a morbo tristi.

13. Nubes pluviosa,

Coeli porta, lux jocosa,
Imperatrix gloriosa.

14. Ortus voluptatis,

Flos et fructus suavitatis,
Radix immortalitatis.

15. Parens absque pari,
Ne in mortis torculari
Me permittas condemnari.

16. Quae es vitae via,

Dulcis, clemens, casta, pia,
Spes reorum, o Maria.

17. Rubus visionis,

Vellus madens Gedeonis,
Sponsa prudens Salomonis.

18. Stella luminosa,
Caritate radiosa,
Florens vitis generosa.

19. Templum trinitatis,
Tu sigillum castitatis,
Tu lucerna claritatis.

20. Virginum regina,

Rosa sine culpae spina,
Es doloris medicina.

21. Xristi praenotata,
Virgo mater illibata,
Super coelos exaltata.

22. Yesse flos pudoris,

Florens vitis, vas honoris,
Fons dulcoris, stilla roris.

23. Zyma veri David,

Auster lenis te perflavit
Et. perflando fecundavit.

24. Et hoc alphabetum

Tuae laudi est completum,
Fac me, virgo, semper laetum.

25. Mihi fer ducatum,

Plasmatorem fac placatum
Faciendo me beatum.