89. De sancta Paula.

In 1. Vesperis.
Ad Magnificat.

A. Per Paulae, Christe, merita
Da fidem, doce placita

Nos agere ferventer,
Sacro nos reple flamine,
Quo Paula cum conamine

Te tenuit ardenter,
Ob Paulam mundi tenebras
Peccatorumque latebras

Vitemus confidenter.

Ad Matutinum.
Imvitatorium.

Paulae gaudentes gloriae
Spernamus mundi fraudes,

Pro Paula demus hodie
Caelorum regi laudes.

In 1. Nocturno.
Antiphonae.

1. Mirabilis haec femina

Magnorum stirpe nata,
Mira virtutum semina

Dat saeclis Christo data.
2. Praeclaro Romae filias

Fert Paula juncta viro,
Res, domum et familias

Modo gubernans miro.
3. Innocens Paula manibus

Cibat, vestit egenos,

Infirmos fovet sinibus,
Actus spernit obscenos.

Responsoria.

1. Flagrans in Paula caritas
Fervorem dat immensum,
Defuncto viro vanitas

Nequaquam mutat sensum,
Sed caelibem mox deitas
Hanc facit per assensum.
V. Mundo, carne, diabolo
Calcatis fert Jeronymo
Suum Paula consensum.

2. Jeronymi per monita
Romam relinquens concita
Spernensque prolem, dedita

Plus ad opus dominicum,
Sola cum Eustochio
Fervoris prae incendio
Paula pergit navigio

Vicum Betblehemiticum.
V. Non amor, transitoria
Delectant, sed pro gloria

Cupit iter salvificum.

3. Per loca sacra gradiens
Dat imbrem lacrimarum,
Miranda Dei sitiens

Mundum putat amarum.
Huic lumen indeficiens

Verum demonstrat clarum;
V. Jesum Paula praesepio
Cum partu puerperio

Videns constringit carum.

In 2. Nocturno.
Antiphonae.

1. Ornata Dei gratia

Proles tunc parit Deo,
Quibus struit coenobia
Luxu calcato reo.
2. Edoctae per Jeronymum
Deo vivendi normam,
Mater et Eustochium
Sororibus dant formam.
3. Commune volens proprium
Plus Paula vitat morte
Sororum vult coenobium
Maris carere sorte.

Responhoria.

1. Corpus domando tenue
Reddit spirituale,
Vitam regendo strenue

Nil agit criminale,
Per hanc, Jesu, nos annue
Despicere mortale;
V. Nos Paulae magna merita
Gubernent atque placita
Donent post temporale.
2. Carnes, pisces, legumina,
Mel, vinum, cuncta sapida
Devitat velut crimina

Paula, virtutum speculum,
Psalmos legens et codices,
Preces fundens multiplices,
Sic suas docet complices
Bellare carne saeculum ;
V. Collectis monialibus
Demonstrat et sodalibus
Hostis vitare spiculum.
3. Adversa patientiae
Munita vicit scuto
Mundique complacentiao
Laeta contemnit luto.
Se solum vult laetitiae
Loco locare tuto,
V. Transcendens sanctimoniam
Prosternit mundi gloriam
Stans vanis ore muto.

In 3. Nocturno.
Antiphonae.

1. Paula nitens virginibus
Dat normam castitatis,
Orbem replet luminibus
Jam stella sanctitatis.
2. Vias cunctorum deviis
Paulae reprendit vita,
Vias demonstrant inviis
Paulae miranda dicta.
3. Ad sanctitatem allicit
Sceleribus deformes,
Paula sequentes efficit
In gloria conformes.

Responsoria.

1. Paula post iter nemoris

Castrum invenit gaudens,
Post febres hujus temporis

Salutem tenet plaudens,
En, habet portum aequoris

Diem extremum claudens ;
V. Evasit nunc pericula
Dierumque curricula

Polorum regna scandens.
2. Felix, quam sinus caelicus,
Ordo canens angelicus,
Vultus quoque deificus

Beatam praebent nimium;
Felix, quae pro victoria
Contemnens transitoria
Potitur plena gloria,

Nec terror inest virium.
V. Obtento nunc denario
Stat Paula viridario

Contemplans more civium.

In Laudibus.
An tiphonae.

1. Clare chordis et animo
Noster exsultans chorus
Ad laudes regi Domino
Pro Paula sit sonoras.

2. Dat Paula caelo rutilans
Deificos timores,
Qua mundus Deo jubilans
Feratur in amores.
3. Cor nostrum semper sitiat,
Quo Paula saturatur,
Mens ire non deficiat,
Quod certum amplexatur.
4. En, Paula, tibi vocibus

Hymnos cantamus laetos,

Ad te tu tandem dotibus

Nos extrahas perfectos.

5. Fontes, humus et aetbera

Deum laudent et ignis,

Pro cujus Paula dextera

Laudanda claret signis.

Ad Benedictus.

A. Ave, Paula,

norma justitiae,

Vitae decas,

sidus prudentiae;
Salve, Paula,

lux poenitentiae,
Serva tuos

munere gratiac
Et post dono

supernae patriae.

In 2. Vesp eris.
Ad Magnificat.

A. Tibi laus, Deus, sollemnis,
Nobis quoque lux perennis
Sit per Paulam in amoenis

Angelorum coetibus ;
Quibus Paula vita nitet,
Pia prece malis vitet,
Amplis donis nos jam ditet
In supernis sedibus.