90 SUPER RECLAMAT. CONTRA EPISC. DISPOSITIONES.

cium, necessarium esse observabatur, ut Superior ecclesiasticus speciali actu suae auctoritatis solemnibus verbis, erigimus, consti- tuimus etc. illud ecclesiasticum reddat, ut contingit ita erectione canonica Confraternitatum, Seminariorum, Nosocomiorum etc. quas formulas refert Monacelli.

Porro in Congregatione de qua agimus eiusmodi auctoritatis actum nullatenus intervenisse: namque Episcopus antecessor nil aliud fecit , quam regulas videre atque eas approbare, et ita ad- probare , ut ope divinae gratiae observarentur. Quem quidem actum non aliud secumferre, nisi annuentiam et veniam Episcopi, quae nullam immutationem in naturali statu Congregationis indu- xit , ita ut Episcopus visus sit aliud expectare tempus, quo dictam Congregationem ex suo naturali statu evehere posset ad statum canonicum.

Nonnulla praeterea facta indicabantur, quibus idem Episco- pus visus non est considerare eam Congregationem tanquam ca- nonice erectam; ac iisdem Presbyteris idem Episcopus libere usus est pro variis piorum locorum indigentiis.

Quoad facultatem praedicandi et confessiones excipiendi, haec observabantur: cum eiusmodi Presbyteri non constituerent Con- gregationem canonice erectam, eos plene subiectos esse debere legibus synodi dioecesanae : ideoque recitantibus ipsis munera ab Episcopo imposita, anno simul concessae facultatis praeter- lapso, nullaque facta facultatis renovatione, eo ipso dicta facul- tate esse destituios.

Quod pertinet ad adorationem perpetuam, quam noctu per- a g e b a t socii Perseverantiae aliique, praesidente uno ex dictis Presbyteris, in Cappella S. Caroli communitatis mulierum, ob- servabatur, cum ci. Lucidi loc. cit. p. 164. « In ecclesiis monia- » lium sodalitia laicorum non debent institui, nam S. C. Ep . et » Reg. in Tirasonen. 9 Nov. 1595, ita rescripsit: Non placet » S. Congregationi, ut in monasteriis monialium sub quovis titulo » instituantur Confraternitates laicorum, ad tollenda quamplurima, » quae exinde oriri possunt, incommoda: imo praecipit, ut erectae i) tollantur secus transferantur. »

His aliisque in iure disputatis propositae sunt a partibus contendentibus dirimendae sequentes dubitandi formulae.