87. De Beata Maria V.

1. Ave, Maria,
Ave, o pia ;
Salve, plena gratia,
Gaude, donans gaudia.

2 a. Tu hymnus caelorum,
Luctus infernorum,

Spes cunctis misericordiae.

2 b. Mamillas ostende
Et manus expande

Pro nobis ad thronum gratiae.

3 a. Spes omnium pro omnibus,
Christi procumbe pedibus ;

3 b. Surge pro nobis [propere]
Et filium amplectere.

4 a. Nullus tui memoria

Fervens fraudatur gloria;

4b. Tu sola salvas omnia
Gehennae trahens spolia.

5 a. Reos salvat tuum Are,

Sanctis gratum, hosti grave,
Mundo necessarium.

5 b. Tuum nomen est saave,
Per quod mundi vecti nave
Evadunt naufragium.

6 a. Deum verum, lumen merum,
Mundo isti tu fudisti,
Tu Iactasti sacra mamma.

6 b. Tu portasti Deum ventre,
Fac, portemus et nos mente
Chaldaeorum pressa flamma.

7 a. Maria, patris solium,
Maria, Christi ostium
Et templum sancti spiritus.
O Maria.

7 b. Nobis caelo praeposita,
Nobis gignens et genita,
Nobis sit vitae aditus,
Mater pia.

8 a. Gaude, gaude, spes errantum,
Quod natum est es te sanctum,
Vocatur, scitur, creditur
filius Dei.

8 b. Et nos tecum gaudeamus,
Qui gaudendo proclamamus
Te semper intactam matrem
hominis-Dei.

9. Cum Gabriele omnia
Te salutant clamantia:)
Ave, O Maria.