Acta Benedicti PP. XV 91

atque alia ad bonum archidioecesis regimen necessaria vel utilia iuxta

sacros canones s tatuendi ac decernendi. I tem quod spectat ad archi-

dioecesis Winnipegensis regimen, administrat ionem, dotationem ac taxa-

tionem ad ipsius Archiepiscopi potestatem, auctoritatem, attr ibutiones,

officia, iura et munia, ad Capituli Cathedralis, vel Consultorum Collegii

erectionem, ad Seminarii dioecesani institutionem, ad ipsorum fidelium

et clericorum onera, iura, aliaque id genus, servanda iubemus, quae

sacri Canones, praecipue Tridentina Synodus s ta tuunt ac praescribunt ,

sartis insuper tectisque Concilii plenarii Quebecensis primi editis decretis.

Mandamus insuper ut documenta omnia, iura et acta, quae archidioecesim

Winnipegensem eiusque fideles respiciunt a cancellaria Metropolitanae

Ecclesiae Sancti Bonifacii, quum pr imum fieri poterit, t r adantur cancel-

lariae huius novae archidioecesis ut in eius archivio religiose asserventur...

Nobis insuper ac Sedi Apostolicae reservamus facultatem novam

ineundi harum dioecesum dismembrat ionem seu circumscriptionem,

quandocumque id expedire in Domino visum fuerit.

Hisce omnibus ut supra dispositis, ad eadem fideli ter exsequenda

deputamus Venerabilem Fra t rem Peregrinum Franciscum Stagni, archie-

piscopum Aquilanum et in Canadensi ditione Delegatum Apostolicum,

eidem tr ibuentes necessarias et oppor tunas facultates, etiam subdele-

gandi ad effectam de quo agitur quemlibet ecclesiastica dignitate insi-

gnitum ac definitive pronunt iandi super quavis difficultate vel opposi-

tione, in exsecutionis actu quomodolibet ori tura, facto insuper ei onere

ad Sacram Congregationem Consistorialem intra sex mensem transmit-

tendi authenticum test imonium peractae exsecutionis, ut in eiusdem

S. Congregationis archivio asservari possit.

Contrariis quibuslibet etiam peculiari et expressa mentione dignis

minime obstant ibus.

Datum Romae apud Sanctum Pe t rum, anno Domini millesimo non-

gentesimo decimo quinto, die quar ta mensis decembris, Pontificatus

Nostri anno secundo.

Expedita die decimaquarta mensis martii, anno secundo.

Loco K& Plumbi.

O. CARD. CAGIANO DE AZEVEDO >£ C. CARD. DE LAI

S. B. E. Cancellarius. S. C. Consistorialis Secretarius.

Iulius Campori, Protonotarius Apostolicus.

Raphael Virili, Protonotarius Apostolicus.

lieg, in Cane Ap., vol. XIII, n. 19.

M. RIGGI, a tabulario C. A.