Sacra Congregatio Rituum 91

Richardus a. 1862 Veronae, in domo probationis Societatis Iesu, tyro-

cinium est aggressus. Nuncupatis iam votis, ob politicas eversiones nec

non iniquas impiasque insectationes hac illae contendere multaque pati

coactus fuit; non sine tamen divinae providentiae consilio : in his enim

peregrinationibus magis magisque rerum usum acquisivit pluresque di-

dicit linguas, quibus postea in animarum salutem efficaciter est usus.

Ad sacrum Presbyteratus ordinem die 9 Septembris a. 1877 promotus

fuit. -

Tertium probationis tyrocinium Paredii, Servo Dei Paulo Ginhac

moderante, summa animi alacritate atque spirituali profectu incepit,

quod Allodiis prosecutus est, ac demum Valentiae in Hispania com-

plevit. Etsi ardenter exoptabat ad Mangalorensem missionem, cui iam

a Superioribus fuerat designatus, quantocius advolare, variis de causis

plura alia officia in Europa ab obedientia ei fuerunt imposita, quae

omnia in exemplum, magno suorum et externorum profectu atque spi-

rituali aedificatione, adimplevit.

Hac enim ratione gymnasium docendo celebravit, marianas congre-

gationes moderatus est ; novitiorum Magistri, domorum Rectoris pluries,

Provincialis quoque Praepositi, Patrum demum tertiae probationis In-

structoris ad mortem usque, (sanctissime functus est muneribus. Nec sa-

tis : assiduus enim in paenitentiali cathedra fidelibus ad eius pedes con-

currentibus sacramentum ministrabat; divini verbi praedicationi seu in

Ecclesiis, seu in religiosis domibus impigre intendebat, contra errores,

modernismum praesertim, vehementer efficaciterque nunquam inveni de-

stitit. Eodem animarum zelo succensus spiritualia exercitia pro opificibus

vel promovit vel adiuvit : item pro saeculari clero, aptis ad id constitutis

domibus. Ut autem Regiae studiorum Universitatis Taurinensis auditores

in catholicum, quem vocant, circulum colligerentur auctor fuit, ne in

praeceps corruerent. Innúmera alia gessit ut animas Christo lucrifa-

ceret.

Incomparabile fidei donum totam Servi Dei vitam pervasit. Omnes

enim ipse actus ad supernaturalem finem direxit. Quoniam autem vir-

tutes omnes intime inter se conectuntur, Servus Dei in ceteris quoque

omnibus plane emicuit. Nemo enim illo humiliór, nemo, qui erga Deum

et proximum caritate eum inter aequales superaret, visus est, nemo

paupertatis et temperantiae usque ad excessum adeo cultior, ut patiendi

desiderio exardescens, dirum ulcus in crure saeviens neglexerit, ob quod

mortem a. D. 1917 die 27 Februarii, Ecclesiae sacramentis rite munitus,

Florentiae sanctissime oppetiit.

Sanctitatis fama crebrescente, in Florentina Curia ab anno 1931 ad