MATRITEN. 91

adiuncta, ut hoc consilium nec a nobis, nec a sacerdotibus Missionis executioni posset t radi , neque huic rei a Revmo Ordinario remedium afferri posset , facultas dabatur nobis servandi sortem capitalem, eiusque fructus impendendi in opera charitatis aut in missarum intentiones. Quo tempore haec nobis donatio facta est, Congregatio nostra in Hispania suppressa adhuc erat ac decennium fere efiTuxit, priusquam reviviscere ibidem potuit. Cum autem institutio praedictae .academiae liturgicae eo modo quo a donatore poscebatur, per- agi a nobis non posset, interrogavimus, iam pridem missio- narios s. Vincentii Matr i t i , num ipsi rem in se suscipere vellent. Qui negative responderunt, interrogatus similiter Archiepiscopus Toletanus, qui tunc Matriti Ordinarius erat, idem dedit responsum.

» Quae cum ita sint, humilis orator exponit : vi nostrae regulae, recipi -in domos nostras clericos et sacerdotes qui exercitia spiritualia sub nostrorum directione obire cupiunt, iisque tunc peculiares dari lectiones circa sacram liturgiam et rubricas ; qua de re regulae nostrae volunt, ut sacerdotes nostri in ea materia rite versentur, et statis temporibus inter se academias rubricarum instituant. Quoniam vero in eo su- mus ut Matriti ecclesiam et domum a fundamentis erigendas construamus, orator Sanctitatem Vestram supplicat, ut sors capitalis supradicta, quae interea ob temporum calamitates et ne tota perderetur, alio modo investita est,- nuncque no- minaliter constat lib. 17,500 quae circiter 500 libellas an- nuas reddunt, impendi possit in ea parte aedificiorum, quae destinatur excipiendis sacerdotibus et clericis, qui apud nos exercitiis spiritualibus vacare cupiunt ». Huiusmodi preces oratoris, « qui in fundo iam coempto proxime praedicta ae- dificia constructurus est divina providentia fere unice fretus », moderator generalis Congregationis SS. Redemptoris enixe commendat.

Praeterea et epistola seu privata scriptura sacerdotis Noboa, de qua superius fit mentio , petitioni adnexa fuit, cuius praecipua pars hic referre opportunum ducitur. In ea"