88. De Beata Maria V.

1. Rosae pulchritudini
Recte comparata
Tota pulchra Domini
Mater est beata

2 a. Sicut rosa floribus

Praeest flos colore,
Cunctis sic virginibus
Maria decore.

2 b. Inter spinas oritur

Rosa, decor florum,
De spinis egreditur
Virgo Iudaeoruni.

3 a. Foliis duplicibus
Dilatatur visibus
Inspectorum [rosa] ;

3 b. Oranti pro homine
Caritas in virgine
Duplex est absconsa.

4 a. Viroris amoenitas

Decens ornat rosam,
Mariam integritas,
Matrem gloriosam.

4b. Aurea decentia

Rosa decoratur,
Mater sapientia
Dei perornatur.

5 a. Rosae rubens folium
Indicat, quod gladium
Passa Simeonis

5 b. Domini, quem peperit,
Iesu nece fuerit
Consors passionis.

6 a. Producit interius

Rosa sementivum,
Clausus hortus regius
Deum, fontem vivum.

6 b. Rosa mane folia

Pandit orto soli,
Porta viris invia
Patet Deo soli.

7 a. Rosa se gerentibus

Dulcem dat odorem,
Virgo se colentibus
Vitam et honorem.

7 b. Decus ergo regium,
Rosa venustatis,
Tibi famulantium
Ora pro peccatis.