92 CALATAYERONEN.

ciorum conditiones, non convenientibus in eamdem sententiam Episcopo et Capitulo : praesertim quia Episcopo displicebant conditiones a Capitulo praescriptae in tabulis fundationum sub n. 9 ei 10. In his enim denegatur novis quatuor Cano- nicis ius optionis et concursus ad praebendam theologalem et poenitentiariam. Sexdecim sunt articuli quibus actus fun- dationis constat, quique ab Episcopo et Canonicis invocantur, ut agatur de vi et extensione huius actus in hac controversia.

Quamvis in actis documentum non extet, quo evincatur, Episcopum hos articulos ratos habuisse et confirmasse, ta- men ipse videtur eosdem approbasse quum non contradixerit., imo tres elegerit Canonicos in titulum Canonicatuum maio- rum a se taliter institutorum. Canonici fundationis hos articulos approbarunt unanimes, si unum excipias.

Verum quia Episcopo non satisfaciebant, ut supra dictum est, quae decernebantur art. 9, et 10, actus fundationis, ipse idem obtulit S. C. C. supplicem libellum, quo insinuabat, Canonicatus a se dotatione muni tos, non alios esse ac sup- pressus a Gubernio Civili, quorum proinde iura in iisdem reviviscerent universa.

His praeiactis, postulavit: I An hi quatuor Canonici frui debeant iure optionis, ceu alii 16 fruebantur ante sup- pressionem : II An habeant vocem activam et passivam in cunctis actibus Capitularibus. S. C. C. reposuit utroque du- bio sub die 23 Februarii 1893: Prout exponitur, ad utrum- que affirmative.

Episcopus statim Capitulo nuntiavit, se a S. C. C. ob- tinuisse authenticam responsionem, qua Canonicatibus a se dotatis recognoscebatur ius optionis et vocis activae et pas- sivae. At capitulum, iure merito excepit, S. C. C. respon- sionem esse conditionatam seu precibus relativam, «prout exponitur » ; preces vero a veritate omnino alienas esse, quia Canonicatus, in casu, non erant ex vetere fundatione, quasi dote solummodo nuper instructi, sed erant totidem novae fundationes, prouti patet ex 16 articulis actus ere- ctionis. Cui exceptioni reposuit Episcopus in approbandis his