92 EX S. C. CONCILII

eius damnum, potest imminui: vel sumptus augeri, si forte in exteram Universitatem mittatur. Sed opponitur: fieri potest aliquando, ut valetudo impediat, quominus alumnus universitatem adeat. Aliquando vero alumnos inveniri, qui ad studia altiora complenda idonei non sunt. Sed haec - iuxta advocatum - ad tabularum violationem defendendam frustra allegantur. Nam in condendis legibus et ultimis vo- luntatibus ordinandis attenduntur quae ordinario contingunt, non ea quae raro et per accidens usuveniunt.

De sexto dubio disserens, contendit advocatus concur- sum ad normam harum non legitimarum dispositionum per- actum, necessario non sustineri. Id vero, tum quia eligendi ius spectabat ad capitulum, quod eo iure privari non po- tuit : tum quia laici per intrusionem ad concursum admissi sunt, et plures clerici propter aetatem a concursu sunt per iniuriam exclusi. Sed ulterius procedens advocatus putat con- cursum nullum habendum esse, quamvis novae dispositio- nes sust ineantur ; et nullum sive quia loca non vacabant, sive quia nec ipsae novae dispositiones in concursu serva- tae sunt. Sane loca non vacabant; nam, ut concursus in- dicentur , quinque alumni, qui loca occupabant, expulsi sunt. At hi quinque legitime loca occupabant, quia legitime a capitulo electi fuerant, et quamvis diceretur Capitulum haud quinque sed duos alumnos eligere debuisse, sequere- tur duos saltem ex quinque alumnis iure loca occupasse, quibus iniuria expulsi sunt. Tum quia nec novae dispo- sitiones in concursu sunt servatae: nam hae praecipiunt ut nemo admittatur ad concursum, nisi suffragium duarum ex tribus partium canonicorum, indicto ad eum effectum ca- pitulari coetu, reportaverit, « che i giovanetti di liuvo di bella vocazione al sacerdozio per godere del benefìcio aves- sero le seguenti prerogative... atto di compiacimento rila- sciato dall' Arcidiacono e firmato almeno da due terzi dei Rmi Canonici, ai quali sarà rivolta dal giovinetto dimanda del beneficio ». At in coetu indicto ante concursum, cuius validitas impugnatur, quatuor canonici ex novem qui ad-