88. De Annuntiatione BMV.

1. Missus sacer a supernis
ad Mariam angelus
Castitatis uberalem

dictis his affatus est:
Ave, virgo gloriosa,
plena Dei gratia.

2. Spiritus divinus tuam
implet innocentiam,

Regum rex egrediatur
ut de tuo utero

Tamquam sponsus speciosus
de cubili proprio.

8. En concipies, Maria,

pariesque filium,
Quem sol iste radiusque,

luna tremit aurea,
Pelagi metuunt aquae

terraeque substantia.

4. Angelo haec prosequente
monitis dulcissimis

Virgo credidit et dixit:
en ancilla Domini,

Fiat mihi, ut dixisti,
et sim genitrix Dei.

5. Modulis nos ergo, fratres,
Dulcibus et consonis

Hominis Deique matrem
salutemus virginem,

Ut suam pro nobis prolem
deprecetur jugiter.

6. Salve semper benedicta
tu in mulieribus,
Quae papilla Deum nostrum

Iactavisti carnea,
Quem gestare meruisti
inter sacra viscera.

7. O Maria, puellarum
omnium sanctissima,

Aufer clades famulorum
malaque praesentia,

Quae pro vita criminosa
patimur assidue.

8. Unde, supplices rogamus,
tua prece subleva

Filioque repraesenta
in aeterna gloria,

Quos interna reos mortis
Facit conscientia.

9. Praestet hoc pater aeternus
atque unigenitus
Procedensque ab utroque

spiritus paraclitus,
Est Deus qui semper unus
per aeterna saecula.