89. De Beata Maria V.

1 a. Specialis eminenter,
Singularis excellenter,
Eminens virtutibus,

lb. Flos et lumen es sanctorum,
Sed et ipsis angelorum
Praemines ordinibus.

2 a. Aaron virga tu fuisti,
Florem, fructum protulisti
Stupendo miraculo ;

2 b. Deum paris illibata,
Post et ante sigillata
Veri regis annulo.

3 a. Ergo, virgo tam beata,

Multis signis praemonstrata,
Nobis sis propitia ;

3 b. Aufer [nox]as et angores,
Mentem munda, forma mores
Pietatis gratia.

4 a. Piae matris pia proles,

Hic purgatos, quando voles,
Transfer nos ad supera ;

4 b. Piae matris pia prece
Tu nos a secunda nece,
Pie Iesu, libera.