90. Jubilus de singulis membris BMV.

1. Ave, Maria, virgo pia,
Vita dia, lux et via,

Omni plena gratia,
Angelorum imperatrix,
Coeli, terrae dominatrix,

Tu sola dans solatia.

2. Salve, sacrum Dei templum,
Tu virtutis es exemplum

Et speculum munditiae,
Tu lilium castitatis,
Viola humilitatis,
Flos candens pudicitiae.

3. Te saluto corde laeto,
Opem tuam supplex peto,

O mater benignissima.
Me dignare te laudare,
Laudes tuas decantare

Mente sincerissima.

4. Scio, quodsi lingua foret
Omne, quod sub coelo floret,

Te digne non exprimeret,
Omnis quoque creatura
Corporalis atque pura

Laudare non sufficeret.

5. Tu coelorum ornamentum,
Tu virtutum documentum,
Tu decus es ecclesiae,
Tu fidei firmamentum,
Vere pacis condimentum,
Tu firma es spes veniae.

6. Nulla pars est caritatis
In te neque pietatis,

Sed es tota caritas ;
Fons tu vivus pietatis,
Fons totius amoenitatis

Atque omnis pietas.

7. Tu mater integerrima,
Tu virginum pulcherrima,
Tu prole fecundissima,
Tu corpore sanctissima
Et spiritu mundissima
Ac mente lucidissima.

8. Nulla virgo tam formosa
Fuit nec est speciosa

Ut Hierusalem filia,
Quae verum regem generavit,
Deum et hominem pavit

Decorum super lilia.

9. Tu, Maria, stella maris,
Medicina salutaris

Es corporum et cordium.
Fons signatus, clausus hortus,
Via pacis, vitae portus,
Pauperum refugium.

10. In hac valle lacrimarum,
In hoc loco tenebrarum
Contra fraudes hostium

Nos custodi et defende,

Sis adjutrix et impende,

Quod est utilissimum.

11. Gloriosa Dei mater,
Cujus natus est et pater

Patris unigenitus,
Cujus alvum fecundavit,
Praeaptavit, praeoptavit

Virtus sancti spiritus,

12. Intercede pro peccatis
Apud fontem pietatis

Atque misericordiae,
Fac nos vere poenitentes
Commissa nec non deflentes,

Dum tempus est veniae.
13. Jesu, fili summi patris,

Christe, nate sanctae matris

Et intactae virginis,
Qui de coelo descendisti
Et descendens induisti

Veri formam hominis,

14. Genitricis pia prece
Nos a lato et a faece

Peccatorum ablue
Et largire vitam puram
Atque pacem permansuram

Et salutem animae.
15. Salve, thorus virginalis,
Cella flagrans et regalis,

Thronus sapientiae,
Lectus florens Salomonis,
Vellus madens Gedeonis,

Thalamus justitiae,

16. De quo Christus tamquam spon-
sus
Carne tectus et absconsus
Processit temporaliter,
Sumens illud, quod non erat,
Manens semper perseverat,
Quod fuit aeternaliter.

17. O quam felix et quam mundus
Castus simul et fecundus

Uterus est virginis,
In quo mira eommixtura
Fit cum deitate pura

Carnis atque sanguinis.

18. In hac reconciliata
Atque sic confoederata
Terrigenis coelestia,
In hac vera justitia
Atque misericordia
Dederunt pacis oscula.

19. O Maria, mater pia,
Tu coelestis hierarchia

Immensae deitatis,
Mundissimum tu scrinium
Et nobile triclinium

Totius trinitatis.
20. Tu arca munda beatorum,
Ferens panem angelorum

Verae satietatis,
In quo candor atque sapor,
In quo decor atque odor

Omnis jucunditatis.
21. Nobis ventris tui florem,
Nostrum pium redemptorem

Festina mitigare,
Ne pro commissis vitiis
Tartareis suppliciis

Nos velit commendare.
22. Ave, salve, cor insigne
Matris piae ac benignae,

Mariae semper virginis,
In quo mellis est dulcedo,
Lactis candor nec nigredo

Nec ulla nota criminis.

23. Virgo mater et regina
Coeli, nobis hic proprina

Tui cordis dulcedinem ;
Cordi meo fer medelam,
Contra hostes da tutelam,

Da mentis aptitudinem.

24. Ave, cor immaculatum,
Cor dilectum, cor beatum,
Cor plenum omnis ratiae;
Salve, vera salus mundi,
Tollens carmen pereundi,
O vas misericordiae.

25. Vas repletum cunctis donis,
Patens malis atque bonis,
Dans pacis beneficia,

In hoc vase me con clude,
Dulcis mater, nec exclude

A tua grata gratia.
26. Ave, cor, quod Simeonis
Ensis transit passionis

Mortis in articulo
Jesu Christi salvatoris,
Mundi omnis qui moeroris

Nos solvit a periculo.
27. Ave, pectus venerandum,
Ad quod nunquam deflorandum

Peccantis manus subiit,
Semper manet illibatam
Pectus sacrum, Deo gratum,

Pudoris manus obtulit.

28. Salve, felix puerpera,
Cujus sacra ubera

Praedulci plena lacte
Dei Iactarunt filium,
Qui venit in exsilium
Sed sponte non coacte.

29. Maria, tua ubera
Felicia sunt munera,

Cum quibus decoratur
Humilitas et castitas,
Sanctorum his societas

Plus vino delectatur.
30. Hae sunt gemelli hinnuli,
Duo conversi populi

Ad fidem trinitatis,
Quos virgo lacte debrias,
Dum ab errore revocas

Ad fidem veritatis.
31. O Maria, mater pia,
Nos certantes in hac via

Materno vultu respice;
Dulcis Jesu, per mamillas,
Quas suxisti, me per illas

In hora mortis adscipe.
32. Caput tuum ut Carmelus,
In quo verus Helisaeus,

Aeterna salus, scanderat,
Dum te matrem pietatis,
Caput omnis sanctitatis

Virtutibus repleverat.

33. Ave, caput delicatum,
Membris sacris decoratum,

Quae digna sunt praeconio ;
Salve, dulcis et benigna,
Mater pia, sola digna
Coeli testimonio.

34. Salve, vultus generosus,
Quem rex forma speciosus

Prae cunctis adamavit,
Omnes jure venerantur
Vultum hunc et deprecantur,

Quos Christus liberavit.
35. Morte sua tam amara,
Quam in sancta crucis ara

Pro nobis sponte pertulit,
Dum se ipsum munus gratum,
Sacrosanctum, illibatum

Aeterno patri obtulit.
36. O regalis tuus vultus,
Mater pia, quam incultus

In illa hora cernitur,
Dum ex crebris lacrimarum
Guttis a te effusarum

Flebiliter perfunditur.
37. O imago trinitatis,
Fons totius bonitatis,

Tuere me propitius,
Pia mater, me defende
Tuum vultum et ostende

In hora mei exitus.
38. Manus sanctae, vos avete,
Cunctis donis adimpletae,

Nunquam reclusae miseris,
Sed apertae et extentae
Semper manent et repente

Dant dulces opes muneris.
39. O quam plures sunt referti
Donis tuis et experti,

Maria dulcissima,
Quos a justa Dei ira
Opem ferens arte mira

Nam trahis promptissima.
40. O dextera manus, ave,
Genitricis Dei, qua vae

Mundi sublatum creditur ;

Holofernes hac truncatur
Dextra, Satan debellatur,

Serpentis caput teritur.
41. Haec est sacra manus ista,
De qua rex atque psalmista

Dulci psallit cithara:
Meam manum tenuisti
Dextram et sic assumpsisti

Me in tua gloria.
42. Salve, manus O sinistra

Dulcis matris, quae ministra

Aeterni regis exstitit,
Dum huncparvum contrectavit,
Lavit, pavit, bajulavit

Ac dona quaeque praestilit.
43. Jesu Christi mater clemens,
Qui sub tuas fiens et gemens

Palmas prorsus fugio,
Suavis mater, non evellas
Me a te neque repellas

A dulci tuo gremio.

44. Mundi salus et dulcede,
O Maria, nunc accedo

Ad tuos pedes propere ;
Pedes sancti, vos saluto
Genu flexo, corde tuto,

Prostratus toto corpore.
45. O quam pulchri tui gressus,
Quam pudicus et incessus,

Aeterni nata principis,
Cui vere te amanti
Et nil tibi deneganti

Materno jure praecipis.
46. Ergo sacros tuos pedes,
Quae in summo throno sedes,

Complector cum fiducia,
Petens, ut in mortis hora
Me defendas absque mora

Ab hostium astutia.
47. O solamen singulare,
Noli pia tunc tardare

Ad protegendum propera,
Funde preces salvatori
Et concede bene mori

In hujus vitae vespera.

Conclusio.
48. O Maria, mater lucis,

Quae ad lumen caecos ducis

Esto mihi praevia,
Peccatoris preces audi,
Fac intentum tuae laudi,
Christo reconcilia.
49. Ora regem ex te natum,
Ut me multis implicatum

Curis et erroribus
Mundum reddat a peccatis
Et infundat veritatis
Lumen meis sensibus.

50. Cum virtute caritatis
Det amorem paupertatis

Et spiritum humilem,
Sanae legis intellectum
Spiritalem atque rectum

Animumque docibilem ;

51. Mores pios ac jucundos,
llos ab omni sorde mundos,

Quos exomet castitas,
Appetitum aeternorum
Et contemptum terrenorum,

In quibus est vanitas.

52. Ut agendi donet nosse,
Velle simul atque posse,

Pro me simul postula,
Ut cum mortis solvam jura,
Vivam liber a pressura

Per aeterna saecula.