EMPHITEUSIS.

93

Die 15 Maii 1868.

C o m p e n d i u m f a c t i . Capitulum N. anno 1788 in emphy- teusi m concesserat fratribus B. parvam aream cuiusdam fundi capitularis cum onere annui canonis obolorum 4-0: eiusmodi area uti debebant dicti fratres ad construendam dumtaxat par- vam domum seu potius officinam sic dictam da Caffè adiecto etiam diversorio ad habitandum. Capitulum deinde iisdem fra- tribus B. facultatem fecit faciendi puteum ad nivem reconden- dam servandamque cum obligatione retribuendi eidem Capitulo libras annuas quinquaginta nivis. Hic autem emphiteusis con- tractus usque ad tertiam generationem perdurare debebat inci- piendo a dictis fratribus, ita ut finito contractu et aream et do- munculam et omnia melioramenta cuiuscumque impensae etiam notabilissimae in Capituli proprietatem devolverentur.

Hic contractus sine Episcopi auctoritate initus fuit. Ambo fratres, qui parvam extruxerant domum et puteum pro nive recondenda sine ulla successione unus post alium mortui sunt. Post eorum mortem familia quaedam N. facto suo possessionem cepit huius emphiteutici fundi, eo obtentu, ut extingueretur de- bitum, quod alter ex mortuis fratribus cum eadem familia con- traxerat.

Haec autem familia canonem solvit ab anno 1 8 3 3 , quin ta- men ullum intervenerit Instrumentum aut aliqua scriptura, aut Curiae episcopalis actus, et Capitulum canonem exegit usque ad annum 1847.

Hoc eodem anno, habito Capituli assensu, familia N. novo stipulato Instrumento, concessit utile dominium fundi emphi- teutici cuidam Ioanni, pretio scut. 50 , seu libellarum 268 , 75 , cum obligatione servandi pacta conventa in primitivo Instrumento anni 1788 solvendique Laudemium aliasque expensas. Neque hoc in transitu auctoritas episcopalis intervenisse visa est.

Hic Ioannes suis laboribus fundum quem susceperat adeo auxit, ut ampliore domo reddita, nunc aestimetur scut. 550 . seu libell. 2956 , 2 5 .