LEGATI PII 93

pro quatuor alumnis ex residuis fundorum. Suam esse pariter voluntatem patefecit, ut omnes quantitatês, quae ex decimis sibi pertinerent usque ad suae mortis diem, quas non perceperit in vita, adiudieareniur pleno iure collegio et alumnis Sororum Beatae Virginis.

Anno 1866 per Codicillum suam voluntatem aliquatenus mu- tans constituit: ut omnes redditus ex residuis decimarum sibi debiti usque ad mortis diem, quos in vita non perceperit, adiudi- cati intelligerentur aequis partibus tum collegio puellarum tum seminario maiori. In alia vero scriptura testamento et codicillo iuncta, declarabat, ut quemadmodum residuum pedetentim unitur ita seminarii loca successive erigerentur: ut residuum ex redditibus decimarum dividatur in duas partes inter collegium puellarum et Clericorum etc.

Mortuo Archiepiscopo, Executor testamentarius dubitavit, an, praeter residuum quartae decimarum, colligere quoque deberet residuum' quartae archiepiscopalis. Quarta archiepiscopalis con- gi stebat in pecuniae summa, quam Archiepiscopus percipit ex portionibus super Beneficiis paroecialibus.

Novus Archiepiscopus rogatus, eos, quorum id intererat, sci- sci tatus est; atque illi, qui spoliis praesunt, existimarunt, illud quar tae archiepiscopalis residuum pertinere ad Capitulum cathe- drale : illi vero, qui seminario et collegio praeerant, existimarunt sibi pertinere una cum residuo quartae decimarum, adductis utrimque rationibus.

Ad ampliores voluntatis testatoris declarationes habendas rogatus est Exsecutor testamentarius, ut patefaceret, quaenam esset voluntas testatoris, quam forte cognosceret ex familiari ratione loquendi conversandique : qui declaravit, sibi non deter- minato modo testatorem locutum fuisse sive de quarta archie- piscopali, sive de quarta decimali; habuisse tamen voluntatem consulendi ex omnibus redditibus, qui eidem essent ob venturi, tum seminario tum collegio : non nominasse autem quartam ar- chiepiscopalem, quod id non animadverterit. Haec autem pluribus validis indiciis Exsecutor confirmavit.

In tanto opinionum discrimine Archiepiscopus rem detulit Apostolicae Sedi iudicandam.