89. De Anniuiciatione BMV.

1. A Deo missus Gabriel deorsum
In tuos venit, Galilaea, tractus
Atque pernici subiit volatu
Nazareth urbem.

2. De domo David sacer ille Joseph,
Hic ibi sponsam fuerat lucratus
Virginem virgo, dederat Mariae
Nomen Olympus.
3. Jussa dum praeco celerat tonantis,
Illius clausum thalamum subintrat,
Grandibus verbis vigilem salutat
Atque precantem.
4. O, ave, dixit modulator ille,
Gratia plena, dominusque tecum,
Conjuges inter benedicta, cunctis
Das benedici.
5. Obstupet tantis humilis puella

Laudibus, sed cum celer ille praeco:
Nil perhorrescas, ait, o Maria,
Nil verearis;

6. Te Deo gratam satis ipse novi,
En tuas venter capiet feretque
Filium, quem tu proprio vocabis
Nomine Jesum.

7. Hic erit magnus sobolesque summi,
Cui patris David dabit ille sedem,
In domo Jacob geret ipse sceptrum
Non periturum.
8. Quomodo fiet, petiit Maria,

Id, quod affirmas, quoniam viriles
Nescio tactus ; memorat subinde
Nuntius ingens:
9. Spiritus sanctus veniet super te,
Ac obumbrabit tibi summa virtus,
Ergo, quod sanctum paries, erit par
Credere pneumen.

10. Ecce quam nosti sterilem senili
Ventre cognatam tibi lacrimasse,
Filium cepit modo nec senectus
Obstitit illi.

11. Mensis hic sextus partetque tandem,
Hanc tamen turbae sterilem vocabant,
Non erit, quod non valeat voluntas
Visque suprema.

12. Ecce, respondit docilis puella,
Mystici ancillam Domini supremi,
Fiat, ut dicis, mihi, moxque verbum
Est caro factum.

13. Gloria patri genitaeque proli,
Flamini sancto virginique matri,
Quae Dei natum genuit hominem,
Sit laus perennis.