94 Constitutio

Ordinis regularem, rite probatum, celebrare facere, libere pos-

sint et valeant. Privilegio autem Altaris portatilis omnino

carere se sciant.

IX. Ius habent assistendi Capellis Pontificiis ibique sedendi

post Protonotarios participantes.

X. Conficere possunt Acta de causis Beatificationis et

Canonizationis Servorum Dei, quo tamen privilegio uti ne-

queant, si eo loci alter sit e Collegio Protonotariorum Par-

ticipantium.

XI . Rite eliguntur in Conservatores Ordinum Regularium,

in Iudices Synodales, in Commissarios Apostolicos et Iudices

a Summo Pontifice adsciscendos pro causis Ecclesiasticis et

Beneficiariis. Item apud ipsos Professionem Fidei recte emit-

tunt, qui ex officio ad eandem adstringuntur. Item coram ipsis

pensiones transferri possunt ab iis, qui eo gaudent privilegio.

XII. Meminerint tamen Protonotarii Apostolici ad instar Participantium, minime obstantibus privilegiis superius recen- sitis, ipsos a locorum Ordinariis eorumque iurisdictione minime

esse exemptos, sed iisdem Ordinariis iuxta communis iuris

regulas, omnino subiectos, nec proinde sine expresso illorum

assensu, umquam posse Pontificalia exercere.

XIII. Impetrata autem Ordinarii venia, qui ea tribuere

poterit quoties et pro quibus Solemnitatibus voluerit, etsi

Missa solemnis celebranda sit in Ecclesia exempta, obtento

insuper assensu Praelati, cui haec ipsa Ecclesia subest, non

idcirco memorati Protonotarii fas sibi esse putent solemne

Sacrum iisdem prorsus ritibus et pompa peragere, qui Epi-

scopali tantum dignitati conveniunt. Plura siquidem sunt

quae illis omnimode, prout sequitur, interdicuntur.

X I V . Itaque ad Ecclesiam, ubi rem divinam sint solemniter

celebraturi, privatim accedant. Non cappam magnam, nec

Pileum pontificale audeant assumere, ne unum quidem Pre-

sbyterum vel Clericum superpelliceo indutum sibi comitem

adsciscant: non in templi vestibulo ab Ecclesiae Clero asso-

ciari se sinant; non denique populum lustrali aqua ibidem