94 CALATAYERONEN.

Quoad praecedentiam, iuxta regulas, iuris communis, attri- buendam hisce canonicis novae fundationis, citat Scarfan- tonium lib. 1, tit. 14, animad. 51, de hac re ita disserentem: « Oritur difficultas an capitulum praetendere possit quod possessor canonicatus, de novo erigendi, non admittatur ad plenum ius Canoniae ; sed tantum instar Canonicorum ho- norariorum admittatur ad solum servitium chori sine voce activa et passiva in capitulo, et sine praecedentia in di- vinis officiis ceterisque actibus capitularibus iuxta ordinem antianitatis, supra canonicos post eorum receptionem instal- landos. » Cui quaestioni hic auctor ita respondet: « Et esse admittendos regulariter ad dictas praerogativas absque ulla prorsus differentia ab antiquis, pluries resolvit S. C. Con- cilii et illa S. Rituum, ut apud Pignatelli consul. 48, n. 9 sq., Tom. 6. Et ratio est quia isti canonici sunt vere et proprie tales et constituunt unum corpus, Ecclesiam reprae- sentans, non debent ab aliis membris ipsius corporis distingui, sed quodammodo in sequelam receptionis in canonicos debent participare de omnibus iuribus et praeeminentiis canonicalibus ad instar antiquorum. »

Demum Episcopus, ex concessione horum iurium, ca- nonicis novae erectionis, nullum praeiudicium fieri neve ve- teribus canonicis, neve patronis omni nisu studuit evincere.

DEFENSIO CAPITULI. E X adverso Capitulum instat, hos canonicatus adeo esse novae fundationis, ut eorum iura re- peti non possint nisi a tabulis fundationis, a Capitulo probatis die 27 Octobris 1891. Proinde non posse admitti Episcopi intentionem seu, hos canonicatus a se fundatos ita succe- dere antiquis, a gubernio suppressis, ut istorum iura deri- ventur universa in novos Canonicos.

Hinc iuris doctrinam recolunt, fundatores nempe posse in limine fundationis adiicere qualitates, leges et conditiones etiam iuri communi contrarias ; quas tamen semel in limine fundationis adiectas, fundator amplius mutare non potest. Fagnan. in cap. Conquerent.-De Praeb. - n. 24 et Bar- bosa Iuris Eccl. lib. 3, cap. 4. Adeo ut Tridentinum Concil.