94. Super Ave Maria.

1. Are, virgo singularis,

Pulchrior quam lux solaris,
Sponsa Christi specialis,
Nos canetis defende malis.

2. Maria, tu caeli porta,

Spina, per quam est exorta
Nobis rosa, qua retorta
Vis est hostis et absorpta.

3. Gratiu sic illustrata,
Nos illustra, o beata,
Ut agamus, quae sunt grata
Tibi, mente praeparata.

4. Plena virtutum floribus,
Nos poli bonis moribus
Et in caeli honoribus
Nos serves ab erroribus.

5. Dominus, qui cuncta regit,
Te in matrem praeelegit
Et carnem de te collegit,
Per quam hostem mox subegit.

6. Tecum, mater pietatis,
Vis est tota deitatis ;
Ergo nostris pro peccatis
Roga, stella claritatis.

7. Benedicta nos tuere,
Hora mortis cum urgere
Nos intendat, velis vere
Te praesentem exhibere.

8, Tu pulchre vernans lilium,
Tuum deposce filium,
Ut in sorte humilium
Nobis det domicilium.

9. In quo ipsum contemplemur
Nec ab ipso sequestrentur,
Sed cum ipso gloriemur
Et in ipso collocentur.

10. Mulieribus praelaa,

Es prae cunctis honorata
Es et privilegiata,
Quia es deificata.

11. Et sic digne adorans,
O praeclara stella mails,
Collaudans, honorans,
Adamans, subiiciaris.

12. Benedictus tuus natus,
Qui pro nobis vulneratus
Exstitit et lanceatus
Nec non spinis coronatus.

13. Fructus tuus noster esus,
Ille Christus dulcis Iesus,
Per te ita fiat esus,
Ne exsistat inde laesus.

14. Ventris aulam virginalis
Proles intravit regalis,
Quae nos eruat a malis
Mortis sic exitialis.

15. Tui sumus, mater digna,
Multum dulcis et benigna,
Tuo nato nos consigna,
Ne nos laedat mors maligna.