Sermo XII.

Item, sermo fratris Bonaventurae in Nativitate, coram regina Navariae, filia reginae Franciae, Parisius circa vesperas in palatio eius.

I n lilio et rosa gaudio implebo filios tuos, quarti Esdrae secundo .

Verba sunt Angeli ex mandato et persona Dei Patris ad Esdram, servum Dei et scribam Legis, in persona Ecclesiae generalis; in quibus describitur Virgo Mater cum sua benedicta Prole dupliciter, scilicet ut universaliter gratiosa, et ut universaliter fructuosa. Primum nota in lilio, Filio scilicet, et rosa , scilicet Matre; secundum nota in verbo impletudinis gaudii filiorum.

Fuerunt autem Christus nascens et Mater Virgo pariens lilium et rosa huic mundo, quia a nativitate per omne tempus fuerant instar filii et rosae candidissimi castitate sive paritate perpetua; Canticorum sexto: Dilectus meus descendit in hortum suum ad areolam aromatum, ut pascatur in hortis et lilia colligat .

Virentissimi sive florentissimi devotione votiva; Osee ultimo: Israel germi nab it sicut litium, et erump et radix eius quasi Libani; Isaiae trigesimo quinto: Exsultabit solitudo et florebit sicut lilium.

Ornatissimi religione perfecta; Canticorum secundo : Ego flos campi et litium conv allium, id est ordinum Angelorum et hominum ornatu abundanti

Fragrantissimi suavitate caelica; Ecclesiastici trigesimo nono : Florete, flores, quasi lilium et date odorem.

Rubentissimi caritate flammea; Ecclesiastici quinquagesimo: Quasi flos rosarum in diebus vernis et q uasi lilia, quae sunt i n transitu aquae .

Medicinalissimi intercessione superna; Canticorum septimo: Venter tu tis sic ut acervus tritici vallatus liliis .

Expansissimi pietate continua; tertii Regum septimo: Et folium repandi lilii.