CALATAYERONEN. 95

in Sess. 25, cap. 5 -Be ref. ad firmandas fundatorum voluntates easque tuendas edicat: « Aliter facta provisio subreptitia censeatur. »

Dein advertunt, nullum facessere negotium exceptionem ab Episcopo oppositam post motam controversiam, nempe ipsum sub certa reservatione approbasse articulos 9 et 10 actus fundationis. Nam advertunt, Capitulum cum Episcopi consensu, unum elegisse Canonicum de gremio Capituli ad concinnandas fundationis leges quae exaratae fuerunt cum plena Episcopi cognitione, permissione et libero singulorum articulorum examine. Reservatio vero ab Episcopo facta Capitulo renunciata fuit per literas diei 19 Maii 1893, ni- mirum post pene viginti menses a die approbationis, et postquam iam tres Canonici ex dictis tabulis proprii Cano- nicatus possessionem acceperant. Iamvero notat Capitulum, ex concordi Doctorum sententia, neque ipsum fundatorem de consensu Episcopi posse mutare leges et conditiones a se in fundatione positas, si talis mutatio esset in praeiudicium Ecclesiae vel tertii. S. Rotae part. 7 recentior., dec. 37, n. 1 seq.

Per quamplurimas animadversiones satagunt Canonici ostendere adesse praeiudicium tertii, qui sunt septem canonici praebendati et titulares intra numerum; qui iure fruuntur passivo ad praebendam theologalem et poenitentiariam. Insu- per, aiunt, adest praeiudicium Ecclesiae et Capituli cathe- dralis ob quaestiones, quae renascerentur cum patrono laico seu cum Municipio ; et cum Oeconomatu qui praebendas novas capere studeret, quia ad canonicos pertinent qui non ha- bent exequatur.

Praeterea, aiunt, aliae difficultates exurgere possent oc- casione, qua unus ex novis canonicis renuntiare tur Vicarius capitularis, qui indiget exequatur, ut eius actus validi ha- beantur a gubernio civili. Iurgia vero et simultates iterari illico possent, quatenus moriatur unus ex canonicis praeben- datis, cuius praesentatio ad Municipium pertineat. Historia satis recens adhuc innuit quomodo exarserint irae et tur-