92. De Beata Maria V.

1 a. O lux, ave, eaelica,

Coetus lumen caelici,
Quam attollunt cantica
Principis pacifici.

1 b. Medicina publica,

Summi mater medici,
Pias aures applica
Nostrae laudi simplici.

2 a. Imple, virgo nobilis,
Ora te canentium,
Tu quidem laudabilis,
Laudum capax omnium.

2 b. Nec sit despicabilis

Tibi vox laudantium,
Licet ineffabilis

Vincat laus ingenium.

3 a. Trinum hostem patimur
Trinoque conflictui
Iugiter exponimur ;
Tu resiste casui.

3b. Premimur, opprimimur
Et timemus obrui,
Sed hi, per quos caedimur,
Tuo cedunt nutui.

4 a. Flos humani generis,
Tibi soli debitus
Thronus est in superis
Iuxta prolem positus,

4 b. Ut his, quos vocaveris,
Sit ad votum aditus,
Trahatque, quos traxeris,
Tuus unigenitus.

5 a. Dante prima femina

Cibum mortis homini
Pullularunt crimina,
Datus est discrimini.

5 b. Laus debetur gemina
Tibi, matri virgini,
Quae tollis discrimina,
Quae mederis crimini.

6 a. Ergo, preces audias
Tibi supplicantium
Supplicesque facias
Nescire supplicium.

6 b. Nos ad agni nuptias,

Ad pingue convivium
Recipi praecipias

Christi commensalium,

7. In quo '',Deo gratias"
'' Vst convivantium.