95. Super Magnificat.

1. Unius numinis

Sed trium nominum
Mea magnificat

'' anima Dominum,
''Quia laetificat

filios hominum
Impetus fluminis

De fonte fluminum.

2 a. Et in patris unico.

Salutari meo,
Meo singulariter,

Ut qui fit de meo,
Exsultavit spiritus

meus, quod in eo
Tam gentili salus est

orta quam Iudaeo,

2 b. Eja. Sion filiae,

meae consodales,
Meae coancillulae,

meae consponsales,
Mecum sponso canite

cantus spiritales;
Praecino, succinite

modulos aequales.

3 a. Sub damno veteri

Plasmator hominem
Iam dudum deteri

Cernens per daemonem,
Misericorditer

et fortiter acturus
Surgit, pro homine
hostem debellaturus.

3 b. Salvandi miseri

Modus mirabilis I
Homo vult fieri
Vis immutabilis,
Ancillas Dominus

'' Videt humilitatem,
''De me fortissimus
sumit infirmitatem.

4 a. Consulit homini

per hominem,
Subvenit virgini

per virginem,
Homo sibi nascitur,

Virgo sibi parit,
Nihil Deo quaeritur,

Quidquid actitarit.

4 b. Militat in milite,

pro milite,
Dimicat cum daemone

pro homine,
Vetus praeda tollitur,

Victus praedo cadit,
Captivator capitur,

Captivus evadit.

5 a. Per me salus mundi salo,
Per me malus caret malo,
Boni fit plantatio,

5 b. ''Ex hoc, ecce, me beatam
Dicent ''et sibi creatam
Cuncta generatio.

6 a. Fecit, quae voluit,
''Magna qui potuit,
Sanctam, ''quod latuit,
Nomen innotuit

Cunctis in gentibus.

6 b. ''Misericordias
Eius ''et gratiae
Sunt ''a progenie
Et in progenie
Eum timentibus.''

7 a. In extenso ''brachio
fecit potentiam,''

7 b. In potenti parvulo
fregit superbiam.

8 a. ludaeos incredulos,
Pharisaeos pseudulos
Dispersit singulos
Per orbis angulos.

8 b. Sublimes imperio,
Celsos magisterio
''Deponit solio,
''Privat officio.

9 a. Exaltavit humiles

rex humilitatis
Et esurientibus

panem dedit satis,
Panem fortitudinis

et satietatis
Et replevit vacuos

bonis vitae gratis.

9 b. Et dimisit divites,

quorum mensae plenae,
Quorum lauta prandia,

delicatae cenae
Nunc inanes factae sunt,

viles et egenae,
Quia mendicantibus

non fecerunt bene.

10 a. Becordatur ut tidelis
Servi sui ''Israelis
''Et ad vocem Gabrielis
Misso filio de caelis
Sumit hunc in gloria.

10 b. Implet, quod per ora vatum
Patribus est revelatum,
Abrahae semen beatum,
De quo datum fero natum,
Cui laus in saecula.