Sermo XIII .

Item, sermo fratris Bonaventurae editas coram Fratribus apud Assisium, de sero ad recreationem.

Aperi mihi, soror mea, amica mea, columba mea, immaculata mea, quia caput meum plenum est rore, et cincinni mei guttis noctium, Canticorum quinto .

Rogemus Verbum incarnatum ut suavifice commu nic ativu m solatium Angelorum et hominum, ut sempiterne cibativum refrigerium omnium salvandorum, ut plenarie quietativum pr oemium omnium creaturarum rationalium.

Aperi mihi, soror mea etc.

Verbum est Verbi incarnati, hodie nati, ad quamlibet animam fidelem, in quo invitat ad duo, scilicet ad culmina supermentalium virtutum, et ad munera supercaelestium delectationum . Primum facit, cum dicit: Aperi mihi , soror mea etc., quasi quae debes mihi esse soror propter expressam conformitatem, ami ca per intensam caritatem, columba propter perspicacem simplicitatem, immaculata propter aeternam castitatem. Secundum facit, cum dicit: quiacaput meum plenum est rore, et cincinni etc., id est affectus pleni guttis noctium, id est influentiis arcanis et Scripturarum mysteriis.

Circa totum nota, quod aperiendum est ab omni anima Christo nato, et (caput ) collocandum est in mente super omnia, quia caput est, quo accipitur ipse totus. (Hoc caput ) plenum est rore gratiae emundatis omnia peccata; Iudicum sexto : Expresso vellere, concitum rore implevit.

Rore veritatis illuminantis omnia dubia; Isaiae vigesimo sexto: Ros lu cis ros tuus .

Rore laetit iae suavificantis omnia tristia ; Exodi decimo sexto : Mane quoque ros iacuit per circuitum castrorum.

Rore virtutis fecundantis omnia arida; Osee ultimo: Ero quasi ros, Israel germinabit sicut lilium.