gg MUTILANA

facultas reservandi pensiones Episcopis non sublata est in to- tum, sed solum in terminis praedictis, quando reservatur pro persona nominanda; quia tunc non potest concurrere iusta causa, quae necessaria dicitur supra et inferius, ac etiam quia aperitur via fraudibus et simoniis. > Eiusdemque mentis sunt Garzia, Gonzalez, ac Rota ab eodem lordano citati.

Age vero, nullum ex his malis contingere potest, quando personae nomen ex iusta prudentiae causa reticitur quidem in bullis seu collationis litteris, sed continuo in separato do- cumento exprimitur, prout in themate contigit. Imo hoc in casu reservatio pro persona nominanda nonnisi apparens et fictitia est, dum, si ad rerum substantiam attendatur, non- nisi pro persona determinata et nominata pensio revera in- scribitur. Quae cum ita sint vanida atque infirma haec etiam videtur obrectio.

Ceterum cum parochus Neri pacto subscripserit, nec sive timoris reverentialis, sive coactionis exceptionem evincat : imo cum singrapham obligationis plures dies post obtentam ab Episcopo nominationem signaverit, hinc vi etiam pacti et susceptae obligationis ad pendendam 400 libellarum sum- mam adigi posse videtur iuxta nota principia 21 iur. in VI et 75 ff'. De reg. iur. aliaque similia, quin quidquam pos- sit in contrarium opponere.

Hisce aliisque praenotatis, propositum fuit dirimendum

Dubium

An pensio sustineatur in casu. RESOLUTIO. Sacra C. Concilii, re cognita sub die 11 Apri-

lis 1891, respondit: Non sustineri (1).

(1) Ex quaestione relata Vol. XXI, 550 aliisque liquidum videri, posse Episcopum pensiones imponere super beneficiis, etiam curatis, dummodo id fiat legitimo modo, ex causa iusta et moderata mensura. In praesenti quaestione forsan visum est Emis Iudi- cibus aliquid ex his tribus requisitis deficere.