LEGATI PII 97

D u b i u m

« An residua quartae archiepiscopalis pertineant ad maius « seminarium et ad collegium Sororum a S. Virgine ; vel potius << ad capitulum metropolitanum in casu ».

R ESOLUTIO. S. Congregatio Episcoporum et Regularium, causa cognita die 13 Augusti 1869, respondere censuit: negative ad primam partem, affirmative ad secundam.

Ex QUIBUS COLLIGES: I. Propositum voluntatemque testatoris aliunde cognitam, et

in testamento aliquo modo non significatam, posse quidem iuvare ad interpretandum id, quod significatum sit, non autem ad con- stituendum quod aliquo modo in eo non fuerit significatum (1).

II. Id habere locum non solum in testamentis ad profanas causas, sed etiam ad causas pias, etsi testamenta ad causas pias non alias exigunt solemnitates, praeter eas, quibus certo con- stare possit, talem fuisse ultimam voluntatem.

III. In praesenti themate, instituta a testatore anima propria haerede (quod secumfert, ut bona haereditaria in pia opera im- pendantur) duo pia loca considerari posse vel ut legataria vel ut haeredes (2).

(1 ) Confer causam, quam exposui in Vol. I pag. 332 et seqq.

(2) Dubium est, ut mihi videtur, an duo loca pia considerari deberent uti legataria, vel potius ut haeredes. Pos- sunt considerari ut haeredes, quate- nus testator vocavit quidem haeredem animam propriam; sed, quum anima non sit capax temporali haereditatis, sed tantum suffragiorum, quae ex bonis haereditatis ad pias causas re- lictis nancisci possumus, nominatis nonnullis causis piis, hae videntur re- praesentare haeredem : et ideo duo pia loca a testatore indicata videntur sibi integram haereditatem potuisse vin- dicare. Sed e converso, videntur tan- tum legataria: nam qui haeredem in- stituit animam propriam, et nonnulla

pia legata facit, indicata tantum parte haereditatis, eo ipso videtur reliquam partem remittere in potestatem eius, ad quem spectet voluntatem exsequi, dummodo in causas pias impendan- tur : quo casu dicta pia opera non po- tei ant iure sibi vindicare alteram hae- reditatis partem. Hoc autem posito, quum in praesenti themate in ea re- gione leges et mores admitterent, ut aliquis decedere posset partim testa- tus et partim intestatus, quum cathe- dralis ecclesia, quae inter causas pias merito recensetur, ab intestato quoque successisset, nihil magis iustum erat, quam ut illi leliqua haereditatis pars in testamento non designata attribue- retur.

Acta, tomo V, fase. L 7