97

S A N C T I S S I M I D O M I N I N O S T R I

L E O N I S

DIVINA PROVIDENTIA

P A P A E X I I I

LITTERAE APOSTOLICAE

QUIBUS HIERARCHIA EPISCOPALIS

IN BOSNIA ET HERZEGOVINA INSTITUITUR

L E O E P I S C O P U S

S E R V U S S E R V O R U M D E I

Ad Perpetuam Rei Memoriam.

Ex hac augusta Principis Apostolorum Cathedra, in qua Deo placuit humilitatem Nostram collocare, cunctas orbis regiones Nostri ministerii curis complectentes , adhibendam a Nobis esse omnem operam agnoscimus, ut catholica religio, mater et magistra omnis rectae disciplinae omnisque civilis humanitatis, ubique in dies maiora incrementa suscipiat, ac populi omnes ad humanae et caelestis fe- licitatis iter tenendum eius ductu ac praesidio adiuventur. Hoc in ministerio, dum animus Noster ex conspectu et gravitate malorum, quae humanam societatem premunt, ex pertinaci bello, quo sancta haec Sedes ab hominibus religioni infensis impetitur, non levi acer- bitatis sensu afficitur, Clementissimus Deus opportuna Nobis suae benignitatis solatia deesse non patitur, secundos exitus studiis Nostris pro salute animarum saepe tribuens, ac propitius efficiens, ut ca- tholica fides pluribus in locis graviter concussa et oppugnata, in aliis suam sedem statuat feliciter, suique salutaris regni fines pro- ferat. Huius porro solatii non levem fructum excepimus in iis il- lustribus filialis animi et devotae voluntatis testimoniis, quae Sla-

Àcta, Tom. XIV, fasc. CLI X. 7