94. De Beata Maria V.

1 a. Laetabundus

Mariam collaudet mundus
Voce pia.

1b. Haec est parens

Summi regis labe carens,
Vitae via.

2 a. O lucifer oriens,
Splendor indeficiens,
Lux praeclara.

2 b. Sol eclipsim nesciens,
Luna solem pariens,
Semper cara.

3 a. O Christi palatium,
Tu pro nobis filium
Semper ora,

3 b. Ut det nobis gaudium
In regno caelestium
Mortis hora.

4 a. Te sanctorum agmina
Collaudant in gloria,
Stirps beata.

4 b. Fons hortorum nobilis,
Virga Iesse gracilis,
Fructu grata.

5 a. Tu es aula regia,
Cella pigmentaria,
Aromatum area
Gratiosa.

5 b. Tu turris eburnea,
Columna marmorea,
Viola purpurea,
Vernans rosa.

6 a. Virgo puerpera,
Succurre, propera,
Confer, ut vehamur
ad aethera.

6 b. Gratiae munera
Funde fructifera,
Cum Iesu trahe nos
ad supera.