97. De sancto Theodoro.

In 1. Vesperis.
Ad Magnificat.
A. Theodore, nos audi,
Preces nostras exaudi

In hac domo salvatoris
Semper et in cunctis horis,
Qui draconem transvibrasti
Ac in poenis triumphasti.

A d Matutinum.

Invitatorium.
Jesu Christo supplicemus
Veniteque adoremus,
Qui Theodorum amavit
Militemque coronavit.

In 1. Nocturno.
Antiphonae.

1. Beatus vir in gloria,
Qui transit cum victoria,
Sicut transivit nobilis
Theodorus laudabilis.

2. Quare gentes fremuerunt
Et insimul adstiterunt,
Ut decollarent inclitum
Ducem et caput militum.

3. Multiplicati, Domine,
Sunt plurimi cum crimine,
Ut martyrem caederent
Et a Christo dividerent.

Responsoria.

1. Theodore, bellator
Veritatis et amator,
Propter fidem corruisti
Mortem et non timuisti,

V. Tu terrena conculcasti
Et tormenta superasti.

2. Per Euchaiam pergebat,
Ubi draco perfurebat,
Quem Theodorus occidit
Et dejecit, quando vidit ;

V. Signo crucis se protexit,
Ad draconem cum perrexit.

3. Confregit martyr idola
Et vendidit ut frivola
Et pretium, quod habuit,
Pauperibus distribuit ;

V. Post ad tyrannum properat
Et dixit hoc, quod fecerat.

In 2. Nocturno.
Antiphonae.
1. Cum Theodorus vocaret
Dominam et obsecraret,

Ipsum statim exaudivit
Et donavit, quod quaesivit.

2. Verba mea tu recipe,
In auribus et percipe,
Christe Deus, intellige
Me semper atque dirige.

3. Domine, tu coronasti
Militem et honorasti,
Ipsum cum constituisti
Super bona, quae fecisti.

Responsoria.

1. Est Theodorus curatus
Et in dorso verberatus,
Et carnifices radebant
Carnes ejus et torquebant.

V. Martyr omnia portabat
Patienter et orabat.

2. Fuit martyr sagittatus
Oculis quoque privatus
Et laudabat in cruore
Dominum corde et ore,

V. Tunc Licinius dolebat
Et Theodorus gaudebat.

3. Martyr est in crucem missus
Et in ipsa crucifixus
Et illic est sagittatus
Et in membro mutilatus ;

V. Post de cruce liberavit
Eum Deus et sanavit.

In 3. Nocturno.
Antiphonae.

1. Arcum suum tetenderunt
Et sagittas paraverunt
Et coeperunt sagittare
Militemque vulnerare.

2. Quis habitabit, Domine,
In tuo claro lumine,
Qui diligit justitiam
Et despicit malitiam.

3. Super caput posuisti
Martyris, quem dilexisti,
De lapidibus coronam
Propter spem et fidem bonam.

Responsoria.

1. Deus angelum mandavit,
Martyrem qui visitavit;
Dum esset incarceratus,
Est ab angelo cibatus,

V. Sumpsit atque cibum edit
Et post laudem Deo dedit.

2. In ecclesia colamus
Militem et obsecramus
Christi nostri salvatoris
Semper et in cunctis horis,

V. Illic ossa sunt sepulta
Martyris et bene culta.

In Laudibus.
Antiphonae.

1. Deus decorem induit
Theodorum et instruit,
Habere fortitudinem
Cordisque magnitudinem.

2. Jesu Christo jubilate
Et Theodorum laudate,
Idola quia confregit
Et ad nihilum redegit.

3. Miles totum se paravit
Et ad Deum vigilavit,
Multum populum convertit
Et simulacra subvertit.

4. Faculis est flamminatus
Et plumbatis est mactatus,
Ejus vulnera fricata
Sunt et ungulis quassata.

5. In excelsis collaudate
Dominum atque cantate,
Qui Theodorum amavit
Et in regnum collocavit.

Ad Benedictus.

A. ''Sacram hujus diei sollemni-
tatem humili celebremus devo-
tione, qua invictus Christi
martyr tyranno devicto in-
signem victoriae palmam caelo
gaudens intulit.''

In 2. Vesperis.
Antiphonae.

1. In splendoribus sanctorum
Dixit mihi Dominus:
Gaude, miles Theodore,
Tecum sum in certamine.

2. Fidelia eloquia,

Quae dedit Theodorus,
Quando prompsit oretenus:
Confitebor tibi, Deus.

3. Beatus vir in opere,
Qui timet non impropere,
Sicut fecit Theodorus,
Fidelis Dei famulus.

4. Laudate pueri Dominum,
Qui ad astra duxit Theodorum,
Ubi gaudet perenniter
Cum angelis feliciter.

5. Credidi, propter quod
Locutus sum, quia
Jam dedit mihi Dominus
Suae coronam gloriae.

Ad Magnificat.

A. ''Sic est oeatissimus martyr
Christi Theodorus, qui non
est derelictus a Deo in die
certaminis sui, et ipse con-
culcavit caput draconis.''