Sacra Congregatio Consistorialis 99

I I

DECRETUM

d e c o n s i s t o r i o s e m i p u b l i c o a d e x q u i r e n d a s u f f r a g i a p r o c a n o n i z a t i o n e

b e a t o r u m : a n d r e a e b o b o l a , m a r t y r i s , i o a n n i s l e o n a r d i e t s a l v a t o r i s

ab b o r t a , c o n f e s s o r u m .

Peractis iam de more Consistoriis, tum secreto, tum publico, die

decima septima huius mensis martii in Palatio Apostolico Vaticano,

Ssmus Dominus Noster Pius Divina Providentia Pp. XI Consistorium

semipublicum die trigesima prima eiusdem mensis martii currentis

habendum decrevit, in quo exquiret Episcoporum sententiam pro cano-

nizatione Beati Andreae Bobola, Martyris, Sacerdotis professi Socie-

tatis Iesu, Beati Ioannis Leonardi, Confessoris, Fundatoris Congrega-

tionis Clericorum Regularium a Matre Dei et Beati Salvatoris ab Horta,

Confessoris, laici profèssi Ordinis Fratrum Minorum.

Quapropter Ssmus Dominus praescribit ut omnes Patriarchae, Ar-

chiepiscopi, Episcopi, Praelati et Abbates nullius, qui sunt intra cente-

simum ab Urbe lapidem, si possint, Romam tempestive petant, praefato

Consistorio intersint, suffragium suum, brevissima oratione, edituri et

solemni canonizationi, si in eodem Consistorio indicta fuerit, suo tem-

pore adsistant. Ceteros vero Antistites de his quae supra memorantur

certiores reddit, laetus quidem si qui ad eumdem finem romanum iter

suscipere velint. Ne autem locorum Ordinarii frequentibus itineribus

nimium graventur, Sanctitas Sua benigne indulget ut qui sive occasione

Consistorii Romam convenerint sive praefatis solemniis adfuerint,

proxima vice ab obligatione sacra Limina visitandi eximantur, salvo

onere remittendi ad hanc Sacram Congregationem Relationem de statu

dioecesis.

Datum Romae, ex Aedibus Sacrae Congregationis Consistorialis,

die 18 Martii 1938.

Fr. R. C. Card. Rossi, a Secretis.

L. © S.

V. Santoro, Adsessor.