Sermo XVII.

Item, sermo fratris Bonaventurae sero Nativitatis Domini apud Montem Pessulanum, coram Fratribus quasi ad recreationem.

Accipite iucunditatem gloriae vestrae, quarti Esdrae secundo .

Verba haec pauca, ex persona Patris prolata per Angelum ad Esdram, possunt esse Angelorum nocte dominicae nativitatis cantantium et sic ad totum genus humanum exclamantium. Id quibus ipsi describunt Christi nativitatem novam et gratiosam per carnem dupliciter, scilicet ut liberaliter et dignanter divinitus mundoexhibitam, et ut laetanter et desiderabiliter ab hominibus amplectendam. Primum, ibi: acci pite; secundum, ibi: iucunditatem gloriae v estr ae.

Circa totum nota, quod Filius Dei natus est nobis in iucunditatem gloriae nostrae meditationis ; nulla enim meditatio est iucunda vel gloriosa vel esse potest sine eo; Ecclesiastici trigesimo : Iucunditas cordis haec est vita hominis, quae, supple, est solum Iesus Christus et a Christo et per Christum

Nostrae contemplationis; nulla enim contemplatio est iucunda nisi de eo; Zachariae nono secundum Septuaginta: Iucundare, filia Sion, iubila, filia Ierusalem, ecce, Rex tuus veniet Ubi etc

Nostrae locutionis; nulla enim locutio est iucunda nisi de eo; quarti Esdrae septimo ; Revelabitur Filius meus Iesus cum his qui cum eo sunt, et iucundabuntur qui relicti sunt in annis q uadringe ntis .

Nostrae orati onis ; nulla enim oratio est iucunda nisi ad eum; Psalmus: Deo nostro sit iucunda decoraque laudatio.

Nostrae devotionis; nulla enim devotio est iucunda nisi in eo; quarti Esdrae secundo: Iucundare, mater, cum filiis tuis, quoniam exuberant fontes mei.

Nostrae collationis; nulla enim collatio est iucunda nisi de eo; Psalmus: Iucundum sit ei eloquium meum, ego vero delectabor in Domino.

Nostrae conversationis; nulla enim conversatio est iucunda nisi ab eo et secundum eum; Iudith ultimo : Erat autem populus iucundus sec und um faciem sanctorum.

Nostrae actionis; nulla enim actio vel operatio est iucunda nisi per eum; Psalmus: Iucundus homo, qui miseretur ei commodat.

Nostrae aedificationis; nulla enim aedificatio est iucunda vel gratiosa nisi sub eo; Ecclesiastici decimo quinto: Qui timet Deum faciet bona etc. In medi o Ecclesiae aperiet os eius etc. Iucunditatem et exsultationem thesaurizabit super illum .