400 LITTERAE APOSTOLICAE

pro re nata necessitatibus Pastorum ac fidelium regionum earum- dem, in aedificationem et augmentum mystici corporis Christi, opi- tulari consuevit.

At vero fatiscentibus Romani imperii viribus, quum ii, qui su- prema potestate pollebant, impares essent cohibendis gentium ex- terarum copiis irrumpentibus undique et omnia late populantibus, etiam regiones illae florentissimae a G-othis et ab Hunnis primo, mox ab Avaris et a Slavonis occupatae sunt. Quare in ea tr is t i vice caedium et vastationum, non modo plures ex urbibus vetustate et amplitudine insignibus excisae sunt, sed etiam plures e nobilio- ribus sedibus episcopalibus omnino defecerunt. Sed neque vis animi, neque studium defecit Romanorum Pontificum, qui curis conlatis ad sarcienda damna, ad ruinas fulciendas, omnem operam dedere partim solandis miseris et iacentibus erigendis, partim instituendis ad chri- stianae vitae mores rudibus illis convenis, ut ex eis tamquam vivos lapides honori spiritualis domus, et nobiles christianae humanitatis alumnos bono civilis societatis conflarent. Et sane saeculo septimo, quum Servii et Croatae e Carpathiis montibus profecti in regionibus Slavoniae, Croatiae, Serviae, Dalmatiae et Istriae sedes suas figè- rent, Ioannes IV Pontifex Maximus dum Ecclesiae Romanae fun- debat opes in levamen eorum, quos misera servitus premebat, ac sanctorum Martyrum reliquiis tutam quietis sedem parari curabat, sui etiam muneris duxerit novorum convenarum saluti consulere, misso ad eos Martino Abate, viro sanctissimo, qui ipsos ex errorum tenebris ad evangelicae veritatis lucem adduceret ( 1 ) . Neque vero dubitandum est, quin Episcopi et Sacerdotes ex urbe Roma missi ab eodem Pontifice, aliisque proximis eius Successoribus, ad omnia pietatis opera instituerint eos Slavoniae populos, qui meridionales audiunt, illosque lavacro regenerationis expiatos una cum duobus Principibus Porino et Porga, tamquam primitias cognatarum gen- tium, in ovile Iesu Christi exceperint (2).

Haec porro Praedecessorum Nostrorum sollicitudo insigniter etiam eluxit insequentibus saeculis, quibus studio Romanorum Pon- tificum Nicolai I, Hadriani II et Ioannis VIII, adiutoribus sanctis- simis viris Cyrillo et Methodio germanis fratribus, quorum reli- gionem et cultum magno cum animi Nostri solatio nuper latius praeferendum augendumque censuimus, Slavicae gentes quae ab austro ad boream pertinent, plenius hauserunt evangelicae doctrinae lumen,

(1) Liber Pontif. in Ioan. IV. (2) Constantin Porphyrogen. de administr. imper. cap. XXX, XXXI, XXXII.