100 VENETEN.

Talesque etiam haberi possunt ceteri testes, ac in pri- mis Maria Ouzille, ob contradictionem in eius depositionibus; quae contradictio nonnisi ad morem actrici gerendum contin- gere potuit.

Et in eodem censu ponendi quoque sunt Elias Lahalle et Emma Besné Aloysiae matertera ; eo quod dum ipsi de ma- gna Aloysiae aversione a viro sermonem habent, et de mi- nis ad has nuptias conciliandas in actricem illatis, vicissim monialis Bertha Lahalle actricis amicissima testatur: me latet an parentes rudibus modis tractaverint Aloysiam co- ram testibus ; neque si minas eidem fecerint, aut eamdem vapulaverint causa matrimonii ineundi.

Imo quod refert Elias Lahalle de absoluta parentum Aloysiae voluntate, ut haec uni Ernesto Prêtot nuberet , nec ulli alii, falsum ipsa Aloysia demonstrat et comprobat. Etenim ait: plurimas habui matrimonii occasiones, sed haec pergrata erat familiae meae. Quod monialis Lahalle de Aloy- siae relatu prorsus confirmat.

Sed, prosequitur defensor vinculi, et alia est contradictio, quam ipsemet mulieris patronus admittit, circa nempe con- fugium in domum Lahalle, quod Aloysia a Bertha Lahalle sollicitasse dicit, dum haec id prorsus ignorare fatetur. Nec refert actricem post depositionem se correxisse; nec , iuxta vinculi defensorem, serio dici potest hanc correctionem con- tigisse ante ipsius Berthae Lahalle excussionem. Siquidem epistola» qua Aloysia narratum emendat, est sine die et sine consule.

Cum itaque mendax inventa sit Aloysia in hac enarran- da circumstantia, fidelis ac verax haberi non potest, quoad alia quae ipsa ad eumdem effectum recinit, ac praesertim quoad ea quae evenerunt, paucis ante nuptias hebdomadibus, in aedibus maritimae Praefecturae Lorienti dum agebantur choreae. Ait namque actrix se constanter ab Ernesti am- plexibus tunc effugisse, et officiali De Y Escaille, hodie vita functo, fugam fictumque raptum proposuisse. At vero, prae- ter reliqua, inverosimile primum est Ernestum Prêtot , qui