100 GALTELLINOREN.

in curae animarum exercitio a canonico curato, ut prius ah archipresbytero, omnino dependeant, ipsique subiecti sint, et in eodem parochiali exercitio assiduum praestent adiumen- tum. »

Demum art. XII monebat : « Remota ab archipresbytero, ut supra art. X dictum est, animarum huius civitatis cura ipsi hactenus ab Episcopatus erectione per saepedictas apo- stolicas litteras diei 11 Iulii 1779, uti onere praecipuo com- missa, cetera iura, onera, honores, praeeminentias, praero- gativas quae ad ipsum ut ante de iure, vel ex consuetudine pertinebant, ad eumdem etiam archipresbyterum in posterum spectare, praedicta auctoritate Apostolica decernimus et de- claramus. >

Res sic se habebant, quum vertente anno 1880 hodier- nus parochus ecclesiae cathedralis Galtellinoren. apud S. C. C. valde conquestus est de agendi ratione Capituli, quasi hoc parochialia iura invadere praesumeret, atque ut" omne du- bium auferretur, nonnullarum quaestionum resolutionem po- stulavit, de quibus inferius sermo instituetur.

Huiusmodi quaestiones consultori remissae fuerunt ut vo- tum partibus communicandum exararet. Quod tamen cum nullum habuisset effectum, causa in plenariis Emorum Pa- trum comitiis definienda proposita fuit.

Disceptatio Synoptica.

IURA CAPITULI. Capituli Galtellinorensis patroni in quin- que capita orationem suam distribuunt. Ac primo conten- dentes ius capitulo inesse administrandi Baptismum et libros baptizatorum custodiendi, id promanare adnotant ex cura ha- bituali, vi cuius parochus actualis uti famulus seu operarius capituli censendus est, qui iuribus et emolumentis iam inde a sua institutione adsignatis contentus esse debet ad tradita a Gabriel consil. 190 lib. 2 n. 7 et 8* De Luca disc. 22 n. 8 De parochis, Rota in Romana funer. 4 Decembris 1620 cor. Coccino. Curam vero habitualem penes Norensis.