100 UTINEN.

praescriptis servatis ad unguem, actricem physicae virgini- tatis argumentis destitutam unanimi consensu renuntiarunt.

Hisce tamen non obstantibus contradictor postquam con- clusum erat in causa attestationesque didicerat, obtinet ut corpus actricis per alium medicum exploretur. Sane die 23 augusti 1897 decreto iudicis publicatus est processus, die vero 10 insequentis decembris medicus Papinius Pennato Noemae corpus re visit.

Hac re valde miratur vinculi Defensor et quaerit si ob- stetrices ac praedicti medici iurassent argumenta physicae virginitatis non amissa, sed servata in actrice esse, licuis- setne matrimonii vindici efflagitare, sive post, sive ante pu- blicationem processus, novam muliebris corporis exploratio- nem? Profecto non licuisset post publicationem processus. Obstat enim cap. 2 de test. Clementinar. : « Testibus rite receptis, et eorum attestationibus publicatis, sicut non licet super eisdem vel directo contrariis, alios vel eosdem testes in principali causa producere, sic non debet in appellationis causa licere, cum non minus in appellationibus, quam in principali causa subornatio sit timenda ». Nec licuisse putat orator ante processus publicationem. Nam cum lex praesidia definierit quibus constare debeat de intemerato aut corrupto virginali mulieris claustro, unum nobis superest, videre sci- licet, an in casu particulari ea praesidia adhibita sint, nec ne. Qui quidquam praeter hoc aggreditur, non modo com- mittit contra legem, sed in faciem legislatoris resistit.

Quod si tutori sacramenti hisce in adiunctis non licet provocare ad novum in corpore mulieris specimen ; nec actori- licere debet. In iudiciis enim quasi contrahitur et perem- ptoria est 32 a regula iuris in V I : « Non licet actori quod reo licitum non existit ». Hinc Rota nihil antiquius habuit quam ut in iudiciis servaretur aequalitas. Hinc vulgatissi- mum fori axioma : « Actor et reus ad imparia iudicari non debent ». Unde infert orator, testimonium doctoris Pennato in nullo pretio habendum esse.

Ulterius praefatus medicus obstetricum ignorantiam in-