100. Rosarium Beatae Mariae V.

1. Gaude, virgo, iure matris,
Quae splendorem Dei patris

Concepisti caelitus,
Quae Iohannem illustrasti.
Ut cognatam visitasti,
Donis sancti spiritus.

2. Quem gestans sine taedio,
Enixa es cum gaudio,

O virgo singularis,
Verbum patris, carnem factum
Ex te, tuo lacte pastum,

Ut Deum veneraris.

3. Quem mox pannis involvisti,
In praesaepe posuisti,

Nec dura reprobavit ;
Quem caelorum exercitus
Glorificat, et angelus

Tunc natum nuntiavit.

4. Quem pastores quaesierunt,
Bethlehem hunc invenerunt

Flentem in praesaepio;
Qui carne circumciditur,
Ipsi nomen imponitur

Die Iesus octavo.

5. Quem tres magi adorarunt,
Verum Deum declararunt

Mysticis muneribus,
De quo Simeon laetatur,
Dum in templo praesentatur

Tuis sanctis manibus.

6. Cum quo maerens aufugisti
In Aegyptum et redisti

Monita ab angelo ;
Quem non sponte perdidisti,
Post tres dies invenisti

Hierusalem in templo.

7. Quique matrem consolatur,
Quando pie querulutur

Exhibens se subditum;
Hic est tuus commensalis,
Quem terdenis annis alis

De labore manuum.

8. Quem Iohannes baptizavit
In Iordane, sed expavit

Stupens de miraculo;
Quem mox daemon ter tentavit
In deserto. Satan statuit

Monte et pinnaculo.

9. Nuptiis congratulatur,

Fons in vinum transmutatur

Praeter rerum ordinem,
Cum in mundo praedicavit,
Multos languidos curavit,

Pavit multitudinem.

10. Lazarum flens suscitavit,
Omnem mortem effugavit

Corporis et animae,
Cuius pedes Magdalena
Abluit ardore plena,
Munda fit a crimine.

11. In Thabor montis vertice
Splendet ut sol mirifice

Cum nimio candore,
Cui turbae Iudaeorum
Salvatori populorum

Occurrunt cum honore.

12. Corpus suum salutare

Et sanguinem dans gustare

Nobis se commendavit,
Ex horrore et pavore
Imminentis mortis horae

Tunc sanguinem sudavit.

13. Quem Iudaei et gens ansa
Ut latronem sine causa

Vinclis stringunt fortiter:
Annae, Caiphae delatus
Et ad mortem accusatus

Iudicatur turpiter.

14. Cuius vultum speciosum
Et aspectum gratiosum

Velabant conspuentes;
Quem malitiose laedunt
Colaphis et palmis caedunt

Ac pilos evellentes.

15. Purpura et alba veste
Stat illusus inhoneste,

Pellitur e limine;
Qui columnae alligatur,
Innocenter flagellatur,
Totus rubet sanguine.

16. Dire spinis coronatur,
Genu flexo salutatur,

Caesus est arundine;

Quem gens sua reprobavit,

Hunc Pilatus condemnavit

Absque legis ordine.

17. Cum scelestis deputatus
Crucem portat incurvatus,

Sternitur sub pondere;
Pius sexus lacrimatur:
Mei causa, contestatur.

Fletum noli fundere.

18. Quem nudatum crucifigunt,
Sacrum corpus sic affligunt

Tensum crudelissime;
Cuius artus et iuncturae
Disrumpuntur, vis naturae

Dolet amarissime.

19. Huic dolori addiderunt,
Vah Iudaei clamaverunt

Vexantes blasphemiis ;
Pro his patrem rogat mere,
Qui eum crucifixere:

Parce, inquit, nesciis.

20. Ipse pendens cum latrone
Amen, dixit in agone,

Mecum eris citius ;
Te Iohanni commendavit,
Illum sibi adoptavit,

Ut sit tuus filius.

21. Gemens spirat et post pauca
Heli clamat voce rauca,
Est vox ista flebilis;
Fel, acetum et murratum
Vinum gustat sibi datum
Sitiens et debilis.

22. Filius intactae matris
Tunc in manu Dei patris
Commendavit spiritum ;
Consummatum exclamavit,
Lacriinando exspiravit,
Mortis solvit debitum.

23. Ecce, agnus immolatur,
Tamquam reus morti datur

Reos solvens crimine;
Cuius latus perforavit
Miles, hastam cum vibravit,

Fluxit unda, sanguine.

24. Terra tremit, sol expavit,
Heu, cor meum obduravit

Adamante durius;
Virgo, trita margarita.
Utinam me pungat ita

Tui cordis gladius.

25. Quem de cruce deponentes
Viri iusti, tecum flentes,
Tibi dant iustissime;
Quem in novo monumento
Pretioso cum pigmento
Condunt honestissime.

26. Limbum patrum penetravit,
Consolatur, quos amavit,

Vinctos inde liberat;
Post haec surgens in triduo
Immenso fulgens gaudio

Valde te laetificat.

27. Rapit nubes hunc repente,
Caelum scandit te vidente

In virtute propria;
Inde misit, quem promisit,
Pneuma sacram, quo invisit

Pauperum praecordia.

28. Super aethera elevans
Et in dextra te collocans

Advocatam constituit ;
Quae caeli scandis verticem,
Placatum nobis iudicem

Reddas ac propitium.

29. Laus, gratiarum actio
Mariae sit cum filio
Nunc et in perpetuum.