Acta Pii Pp. XII 101

ordinibus. Hoc esto, dilecte Fili, celebrationis huius vestrae fructus :

eos nempe, qui sacrum vobis catholicae iuventutis vexillum veluti in

manus de manibus tradidere, non modo per posita vestigia sequi,, sed

quadam etiam inita inter vos aemulatione sanctissima, pro viribus su-

perare. Ac praesertim impensius cotidie, ut facitis, contendite animorum

concordiam unitatemque servare incolumem, sine qua nihil, ut nostis,

diu superstitare potest, nihil frugiferum evadere. Arctissimam cum Epi-

scopis, imprimisque cum Romano Pontifice, coniunctionem alite, firma-

teque; quod quidem actuosae navitati vestrae necessarium est solidum-

que pignus felicis exitus. «Obsecro... vos... ut id ipsum dicatis omnes...

sitis autem perfecti in eodem sensu et in eadem sententia » . 2 Ad hanc

vero unitatem sospitandam ea peculiari modo pertinent hortamenta, quae

Decessor Noster f. r. Pius XI non semel, occasione data, hac in causa

habuit; ut nempe Catholica Actio « ex ipsa natura sua civilium partium

studiis minime implicetur », atque « intra angustos factionum fines »

compellatur numquam. 3

Ac praeterea operosa haec animorum consensio non modo ex uno re-

gimine unaque disciplina, non modo ex eadem agendi ratione ex iisdem-

que praeceptis, quibus Actio Catholica ducitur, conformatur, alitur,

oriri debet, sed ex fraterna etiam inter se singulorum universorumque

sodalium concordia. Cuiusvis scilicet iidem ordinis sint, cuiusvis con-

dicionis, sive fabrili arte addicti, sive liberalibus dediti disciplinis, seu

denique humili loco nati, vel nobilitate generis editaque fortuna fruentes,

quasi fratres christiana caritate inter se diligant, eodemque apostolatus

studio animati, mutuo sibi invicem exemplo sint. Ac meminerint etiam

illam, in quam coaluere, consociationem, inde ab exordio, et a catholica

religione et a propria gente nationeque duxisse nomen. Ut igitur patria

caritate nulli cedere, ut avitam terram peculiari studio amare, eiusque

prosperitatem veri nominis provehere debent, ita pariter christianis prae-

ceptis ducti universam hominum familiam, e quavis stirpe e quovis ge-

nere constet, divino Iesu Christi amore amplectantur. Etenim non patriae

cuiusque suae caritas fraternam cunctorum populorum communitatem

secludit vel renuit; neque mutua haec inter universos homines necessi-

tudo debitum erga natale solum amorem minuit.

Quod vero primum est ac praecipuum, qui iuvenes Catholicae Actio-

nis proposita atque incepta exsequenda suscepere, iidem suae quisque

a / Cor 1, 10. 3 Cf. Epist. Quae Nobis ad Card. A. Bertram, A. A. 8. 1928, p. 385, 387; Epist. Lae-

tus sane au Card P. Segura et Saenz, A. A. S. 1929, p. 666.