Appendix 1 101

vero idem Collegium Protonotariorum ob praeteritas rerum vices ad paucos redactum pene extinctum esset, paternas ad illud curas con- vertens recol. me. Gregorius XVI Decessor Noster per suam Con- stitutionem vi Idus Februarii anni MDCCCXXXVIII editam ipsum ad pri- stinum septenarium numerum veteremque splendorem restituit. Iam vero singularia inter privilegia memoratis comprehensa Literis Sixti PP. V aliqua Nos esse animadvertentes, quae neque praesenti tem- porum conditioni, neque publicae rei bono convenire compertum sit; idcirco alia ex iis moderanda, seu quibusdam subiicienda condi- tionibus, alia vero penitus abroganda existimavimus. Et quidem privi- legium promovendi ad gradum doctoratus in utroque iure ex comme- moratis Sixti V. Literis Collegio Protonotariorum impertitum iamdiu moderatus est, ac coarctavit fel. me. Benedictus XIV per Aposto- licas suas sub plumbo datas literas iv Kalendas Septembris anno MCCXLIV , quibus definivit edixitque licere Protonotariis Apostolicis quatuor dumtaxat personis in singulos annos, eisque non absenti- bus, sed realiter in Urbe praesentibus doctoralem lauream in utro- que iure deferre, praevio tamen diligenti ac severo examine per ipsos- met Protonotarios personaliter ac collegialiter instituendo iuxta Apostolicas in forma Brevis Literas Urbani VIII die v Septembris Anni MDCXXIX evulgatas; quem postea personarum numerum idem Benedictus XIV in ipsis illis supra memoratis Literis ampliavit in bene- volentiae et honoris testimonium erga Protonotariorum Collegium; ipsis quippe concessit, ut in posterum non quatuor tantum singulis annis, verum sex personas in Urbe tamen praesentes doctoris laurea in alterutro, sive utroque iure decorare possent servata forma ac conditionibus inibi praescriptis et explicatis. Nos igitur commune bonum prae oculis habentes motu proprio, certa scientia, ac matura deliberatione Nostra supra memoratis Apostolicis Literis tum Sixti V, tum Urbani VIII, Benedicti XIV, et Gregorii XVI Praedecessorum Nostrorum, quatenus opus est, et in iis dumtaxat, quae Constitutioni huic Nostrae adversantur, derogantes, Protonotariis Apostolicis de numero participantium vulgo appellatis privilegium deferendi doc- toris gradum seu lauream in Theologia, et in alterutro, vel utroque iure ratum habemus ac confirmamus, servatis tamem conditionibus infra explicandis; in Philosophia vero, in Medicina aliisque artibus seu scientiis ac facultatibus omnino tollimus atque abolemus. Volumus autem atque mandamus, ut quatuor dumtaxat personis in facultate Theologica, ac quatuor itidem in alterutro, vel utroque iure in urbe tamen praesentibus doctoris gradum deferre valeant, utque de huius- modi personis doctoris gradum petentibus antea ad Nos Nostrosque in Apostolica Sede Successores referre debeant, secus concessio doc- toralis laureae nulla atque irrita sit. Praecipimus etiam, quod iam a Benedicto XIV praescriptum est, ut si dictus numerus persona- rum ad gradum doctoris promovendarum uno anno quavis de causa