VLADISL AVIEN. 101

rides in ius vocatus, cum praefixione termini ut in causa compareret, non comparuit, nec suam absentiam iustificavit. Idcirco Iudicium Consistoriale, agnoscens Boleslaum contu- macem, decrevit ulterius agitari processum.

Quam contumaciam in iudicio tanti momenti, rationabi- lem suppeditare causam, scilicet noluisse infàmia contegere patrem, seipsum et propriam familiam, tuetur Advocatus. Etenim huiusmodi lites matrimoniales non solum afficiunt res, sed personas quarum honor et dignitas percellitur, et agitatur semper cum illarum dedecore. Idcirco solent huius- modi causas agitari magno cum zelo et cura, ab utraque parte. Profecto in casu id minime conspicitur. Vir mavult esse contumacem in tanto delicato iudicio, contra communem agendi rationem. Unde non solum adest rationabilis causa •ob quam noluit opera propria contegere infamia familiam, sed deliberate et consilio contumaciam amplexum fuisse patet ad evitandum maius sui dedecus.

Descendens postea Orator ad solvendas obiectiones, quae forsan ipsi opponi possent, nullam dicit difficultatem oriri posse ex eo quod post decem annos mulier processum invocet -et instituat contra nullitatem sui matrimonii, ex impedi- mento dirimente ortam. Etenim manifesta erat in ea igno- rantia impedimenti dirimentis; sed vix certiorata de impe- dimento, iudicium instituit. Ergo si ab initio scivisset im- pedimentum antecedens dirimens, nimirum matrimonium non contraxisset. Et quoniam iuxta reg. 64 iuris in 6°, quae contra ius fiunt, debent utique pro infectis haberi ; matrimo- nium, cum impedimento contractum, est prorsus irritum ac nullum.

Nec obstat continua coniugum cohabitatio. Siquidem, ait, ab impedimento dirimente non excusat ignorantia et bona fides ; leges enim irritantes afficiunt quoque ignorantes, iuxta Oard. D'Annib. III § 398; Gury II, n. 787. Ad rem S. C. S. Officii in instructione ad Vicarium Apostolicum Siamen- sem data anno 1854, habet: «Animadvertendum est etiam quoad impedimenta dirimentia, ignorantiam invincibilem aut