98. De Beata Maria V.

la. Triumphanti

Mariae filio,
Campi flori,

convallis lilio,
Iubilemus

virginis gaudio
Congaudentes.

1b. Felix mater,

per cuius gremium
Venit ad nos

creator omnium
Per cruorem

mundans innoxium
Nos nocentes.

2 a. Salve, Dei

mater et filia,
Quae superas

intacta noxia,
Stella maris
et caeli regia,
Florens hortus ;

2b. Fons hortorum,
virgo perpetua,
Spes reorum,

stilla melliflua,
Lux caecorum
salutis ianua,
Vitae portus.

3 a. Thronus veri Salomonis,
Vellus madens Gedeonis,
Sicca subtus area:

3b. Medicina peccatoris,
Viam sternens viatoris,
Via caeli lactea.

4a. Reginarum imperatrix,
Vitae nostrae reformatrix,
Oliva fructifera ;

4 b, Peccatorum miseratrix,

Miserorum sublevatrix,

Pia gestans viscera.

5 a. Mens devota,
Deo nota,

Mundans totum, munda tota,
Caro carens carie ;

5 b, Clamat foris
Os actoris,

Ut cor mundes peccatoris,
Veni vana veniae.

6 a. Audi, mater, peccatores,
Horum luctus et clamores
Digneris suscipere:

6 b. Placa culpae purgatorem,
Ne constringat peccatorem
Vi potentis dexterae.

7 a. Tu luna, sol et aurora,
Tu suavis et decora,
Tu rubens carbunculus ;

7 b. Tu sponsa, cuius dilectus
Ex milibus est electus
Et murrae fasciculus.

8 a. Virga Iesse generosa,

Frondens, florens, fructuosa,
Porrecta flexibilis ;

8 b. Margarita pretiosa,
Viola, lilium, rosa,
Flos immarcessibilis.

9 a. Tu nardus, tu murra tdta,
Virtus balsami mellita,
Tu fumus aromatum,

9 b. Tu pro nobis interpella,
Ne peccatorum procella
Turbet cordis sabbatum.

10 a. Ave, virgo specialis,

Nulla maior, nulla talis,
Finem nostris confer malis
Impetrata venia,

10 b. Ut a morte liberati

Per te simus et renati,
Ut in caelo collocati
Cantemus Alleliria.