102 Acta Apostolicae Sedis - Commentarium Officiale

obligationi Sacrum audiendi satisfaciant. Quodsi unius Missae celebratio

huic obligationi ab omnibus implendae satis non sit, alteram celebrare

ipse tenetur ad mentem canonis 806 § 2, nullo ad hoc percepto stipendio.

Deest enim in casu titulus extrinsecus maioris laboris vel incommodi, vi

cuius sacerdotibus binantibus permittitur aliqua retributio ad normam

citati canonis 824 § 2 Codicis I. C, cum agatur de parocho Missam ite-

rante in sua paroecia in fidelium sibi commissorum utilitatem, quare

iusta causa deest concedendi hunc in finem indultum apostolicum, eo

vel magis quia haec retributio in casu ex legatorum reditibus esset su-

menda. Iamvero legata in finem proprium constituta sunt, ab ipso funda-

tore statutum, et diligentissime implenda, sicut omnes fidelium volun-

tates in pias causas facultates suas donantium vel relinquentium, etiam

circa modum administrationis et erogationis bonorum, ad praescriptum

canonis 1514.

Nihil tamen vetat quominus, peculiaribus rerum personarumque

adiunctis perpensis, his parochis Episcopus retributionem aliquam ex

aliis proventibus assignet.

Alterum dubium quod spectat, praescriptio est contra ius commune.

Eleemosyna enim Missarum, nisi aliud certo constet, dividi vel separari

nequit a celebratione et applicatione Missarum, sed quid unum consti-

tuit ad mentem canonis 840 § 1, et distinctio ipsa a mente offerentium

est prorsus aliena. Quod si in citato canone res est de Missis manualibus

ad alios pro celebratione transmissis, attamen una eademque est regula,

eleemosynam Missarum, nisi aliud constet, pro celebratione et pro ap-

plicatione integram celebranti tradendam esse intuitu oneris quod ei im-

ponitur. Et ita iam pluries declaravit haec S. Congregatio, e. g. in una

Lugdunen. 31 Ianuarii 1880, in una Sancti Deodati 27 Februarii 1905

ad II, et in una Paderbornen. 16 Novembris 1917. utique in citatis reso-

lutionibus eadem S. Congregatio clausulam addidit : « nisi morali certi-

tudine constet excessum communis eleemosynae oblatum fuisse intuitu

personae vel ob maiorem laborem aut incommodum ». Sed ex hoc ipso-

arguitur quod Episcopus nequeat generali praescriptione sive synodali

sive extrasynodali indiscriminatim praescribere omnibus sacerdotibus bi-

nantibus excessum communis eleemosynae vel eleemosynam ab offe-

rentibus oblatam, quaecumque sit, percipere, dummodo Curiae tradatur

eleemosyna synodalis.

Nec est omittendum alienum prorsus esse ab ipso indulti apostolici

ambitu, vi cuius sacerdos Missam binatam ad mentem offerentis appli-

cat, ut aliqua eleemosynae pars ipse sibi retineat. Aliter tamen res esset,

si ageretur de Missis fundatis, quibus cavet Codex ipse in canone 840 § 2,