100. Ad B. Mariam V.

1. Ave, dulcissima

Cella deitatis,
Aula clarissima,

Domus honestatis,
Maria, maxima

Dulcedo turbatis.
2. Tu flos virgineus

Florens modo miro,
Tu viiii putens,

Roris cujus gyro
Est murus aureus

Vallatus saphyro.
3. Tu nostra lancea

Inexpugnabilis,
Turris eburnea

Hosti terribilis,
Lampas aetherea

Valde mirabilis.
4. Gaudeto igitur,

Princeps dominarum,
Per quam tribuitur

Salus animarum,
Focusque clauditur

Inferni poenarum.
5. Nullam te majorem

Esse cognoscimus
Nec potentiorem

Post Deum credimus,
Per quam redemptorem

Jesum habuimus.
6. O pia dignitas

Tantae majestatis,
Duc me per semitas

Binae caritatis,
Ut vias inclitas

Sequar castitatis.

7. Ni me inveneris,

Virgo virtuosa,
In via sceleris

Perdar tenebrosa,
Plena mortiferis

Genteque dolosa.
8. Ergo mihi cito

Nunc propitiare,
Christo conquisito

Per crucis altare
Ac pro compedito

Jesum deprecare.
9. Ave, juvencula,

Disciplina morum,
Quam sine macula

Scio delictorum,
Disrumpe vincula

Malorum meorum.

10. Ave, vas electum,
Mundum interius,
Gemmis sacris tectum,

Pulchrum exterius,
In quo fecit lectum
Creantis filius.

11. O nostri foederis

Perauctrix puella,
Mentalis vulneris

Auctorem debella,
Ut me in miseris

Non tangant flagella.
12. Licet te laudare

Digne nusquam queam,
Tamen refutare

Noli laudem meam,
Sed gratificare

Tibi velis eam.

13. O venerabilis

Et prudentissima,
Sic mei fragilis

Expurges intima,
Quod lacus flebilis

Non intrer infima.